По 27 години, Хју Џекмен се разведува од 13 години постарата сопруга: Најзаљубениот холивудски пар стави крај на бракот

Детали

сабота, 16 септември 2023

„Бевме благословени да поминеме речиси 3 децении заедно како маж и жена во прекрасен брак со љубов. Нашите патувања сега се менуваат и решивме да се разделиме за да продолжиме со личен развој. Нашето семејство било и секогаш ќе биде наш најголем приоритет“ - стои во соопштението на Хју Џекмен и неговата сопруга.

Австралискиот актер Хју Џекмен (54) и неговата сопруга Дебора Ли Фурнес (67) се разведуваат по 27 години брак. Иако Дебора е 13 години постара од Хју, тие важеа за еден од најзаљубените холивудски парови.

Хју и Дебора издадоа заедничко соопштение во кое велат дека и понатаму чувствуваат љубов еден кон друг, но дека е време да се разделат.

„Бевме благословени да поминеме речиси 3 децении заедно како маж и жена во прекрасен брак со љубов. Нашите патувања сега се менуваат и решивме да се разделиме за да продолжиме со личен развој. Нашето семејство било и секогаш ќе биде наш најголем приоритет.

Во ова следно поглавје влегуваме со благодарност, љубов и добрина. Ве молиме да ја почитувате нашата приватност додека семејството се движи низ оваа транзиција во нашите животи“, пишува во заедничката изјава што ја дадоа за магазинот People.

Тие се запознале во 1995 година на снимањето на австралиската ТВ серија Corelli и брзо се заљубиле.

Иако Хју бил сигурен дека еден ден ќе се ожени за неа, во тој период Дебора не била заинтересирана за сериозна врска, особено со некој 13 години помлад од неа.

Но, тој успеал да ја премисли и само 11 месеци по нивната прва средба, во 1996 година, тие се венчале во Австралија.

Бидејќи Дебора веќе била во нејзините 40-ти години, тие веднаш почнале да се обидуваат да станат родители, но сè било безуспешно, дури и обидите за вештачко оплодување.

Во 2000 година Хју и Дебора одлучиле да посвојат дете – синот Оскар Максимилијан (23). Пет години подоцна тие ја посвоиле и ќерката Ава Елиот (18).

Долги години важеа за еден од најхармоничните и најсреќни парови во Холивуд и токму затоа веста за нивниот развод изненади многумина.

А. Ј. | Црнобело