Морале да имаат групен секс со него, не смееле да носат црвен кармин: Бизарните правила што ги следеле девојките на Хју Хефнер

Потпишувале договор за молчење

До денес постојат разни шпекулации за тоа што се случувало во вилата – од очигледните секс забави, до обвиненија за силување и присилување на девојките да прават нешто што не знаат.

За да се заштити, Хефнер ги терал девојките да потпишат изјава дека нема да кажат ништо за она што се случувало во вилата.

„Морав да потпишам многу детален договор и тоа е причината што не можам да откријам кој сè имаше секс во вилата.

Но, видов многу познати личности“, изјави Џена Бентли, една од поранешните девојки на Хефнер.

Сепак, по неговата смрт, многу девојки почнаа да зборуваат и открија ужасни детали, поради што магазинот Плејбој дури јавно се извини и се огради од Хефнер.

Прочитајте и: Биле дрогирани и манипулирани, не смееле да излегуваат надвор – „зајачиците“ со шокантни откритија за животот во Плејбој вилата

Не смееле да се гледаат со други мажи

Додека Хефнер спиел со безброј жени, неговите девојки морале да му бидат верни.

Ним им било забрането дури и само да излезат на кафе со друг маж.

Не смееле да имаат друг дом

Штом девојките ќе се вселеле во Плејбој вилата, Хефнер им забранувал да имаат друг дом.

„Не ни беше дозволено да имаме свои домови. Но, додека живеев во вилата, имаше некои девојки кои си ги задржуваа нивните домови и го криеја ова од Хефнер“, сподели Холи Медисон.

Кога јавноста дозна за ова, многумина сметаа дека е еден вид уцена бидејќи штом немаат друг дом, девојките се присилени да останат во вилата, без разлика што можеби не им се допаѓа тамошниот начин на живот.

Не смееле да користат црвен кармин

Наводно Хефнер мразел црвен кармин, па им забранувал на неговите девојки да го користат.

„Помеѓу многуте правила во вилата, едно од најстрогите беше забраната за црвен кармин.

Хефнер го мразеше. И не преувеличувам – толку многу го мразеше, што ни забрануваше да го носиме“, сподели Холи Медисон.

Прочитајте и: „Нè присилуваа да имаме односи со Хју Хефнер без заштита“: Плејбој „зајачиците“ откриваат нови вознемирувачки детали за Плејбој вилата

Спирова С. | Црнобело