Машин Ган Кели како Ума Турман, а Меган Фокс со крв на лицето - Ѕвездите со спектакуларни маски по повод Halloween

Детали

понеделник, 30 октомври 2023

Парис Хилтон ѝ даде поддршка на другарката Бритни Спирс, па се облече во костимот што таа го носеше во спотот за песната Toxic, додека Адел се трансформираше во Мортиша Адамс. Меган Фокс и Машин Ган Кели имаа ретко заедничко појавување во костими инспирирани од филмот Kill Bill.

Јасно е дека секоја година славните долго се подготвуваат за забавите по повод Ноќта на вештерките или Halloween, што традиционално се слави на 31-ви октомври, но голем број од познатите го искористија викендот пред празникот за да споделат фотки од своите маски.

Погледнете дел од нив во продолжение:

За време на својот настап во Лас Вегас, Адел се трансформираше во Мортиша Адамс, а на нејзиниот Инстаграм профил се споделени фотки на кои може да се види нејзината маска.

Парис Хилтон беше на забава по повод Halloween во Лос Анџелес, а се појави во костимот на нејзината другарка Бритни Спирс од спотот за песната Toxic. Додека таа го носеше костумот на секси стјуардеса, нејзиниот сопруг Картер Реум беше маскиран во пилот.

„Во чест на нашата кралица“ – напиша Парис до видеото на кое позира во секси аутфитот.

Манекенката Синди Крафорд се маскираше во ликот на Сенди од филмот Grease (Брилијантин) и ѝ оддаде почит на Оливија Њутн Џон, која почина во март годинава.

Продолжува на следната страница...