Бекам е домаќин човек, а и вежба по тесен шорц: Викторија се фали на Инстаграм со секси сопругот

Детали

среда, 20 декември 2023

„Забелешка: Овој електричар не доаѓа во пакет со сите модели на нашите телевизори“, ѝ напишаа од Samsung на Викторија Бекам откако објави фотка од сопругот како по гаќи „поправа“ телевизор.

Модната дизајнерка Викторија Бекам повторно ги воодушеви жените ширум светот, откако објави видео од нејзиниот сопруг додека вежба, како и фотка на која Дејвид е само по боксерки и ги средува каблите на телевизорот.

„Дојде електричар да го поправи телевизорот. Можете да ми се заблагодарите“, напиша таа на Инстаграм.

Меѓу првите што ѝ оставија коментар на фотографијата беа од Samsung.

„Забелешка: Овој електричар не доаѓа во пакет со сите модели на нашите телевизори“, напишаа од компанијата.

Жените, пак, ѝ се заблагодарија за фотографијата од Дејвид.

„Фала ти што не си себична и мислиш на нас“,

„Е ова е вистински начин жена да ги поддржува другите жени“,

„Дали сите зумиравме?“,

„Дали е електричарот достапен и надвор од Британија? Прашувам за пријател“, се дел од коментарите.

Само неколку дена подоцна таа сподели и видео на кое Дејвид вежба, а фокусот на Викторија беше на неговиот задник.

„Божиќ дојде порано“, ѝ напишаа на шега следбениците на Инстаграм.

Погледнете го видеото:

А. Ј. | Црнобело