Познати личности кои го напуштиле училиштето поради кариера - Денес се меѓу најуспешните во светот
- Детали
- недела, 14 јануари 2024
Квентин Тарантино, Камерон Диаз и Киану Ривс се само дел од познатите личности кои го напуштиле училиштето поради кариера.
Иако образованието е најважниот фактор за успех, сепак се чини дека овие светски ѕвезди не погрешиле бидејќи сите имаат завидни кариери, а богатството им се поценува во милиони.
Во продолжение погледнете ја листата на познати личности кои го напуштиле училиштето.
Жизел Бундшен
Бразилката Жизел Бундшен важи за една од најплатените и најбараните манекенки во светот.
Својата кариера ја започнала на 14 години кога и решила да го напушти средното училиште за да зачекори по модните писти.
Таа зборува пет јазици, иако никогаш не завршила средно образование.
Никол Кидман
Љубовта кон глумата била пресудна за Никол Кидман да го напушти средното училиште и да започне со градење актерска кариера.
Најпрво почнала да работи во театар, а веќе на 16 години ги снимила и првите филмови.
Џони Деп
Иако актерството не бил негов прв избор, тој е еден од најпознатите актери во светот.
Џони Деп го напуштил средното училиште на 15 години за да стане рок ѕвезда, но неговата кариера се движеше во поинаков правец, па денес тој е еден од најатрактивните и најпопуларните актери.
Ријана
Ријана имала само 16 години кога го напуштила Барбадос и се преселила во САД за да гради музичка кариера. Таа го потпишала својот прв договор со Деф Џем и го напуштила училиштето.
Рајан Гослинг
Рајан Гослинг го напуштил средното училиште во Канада кога имал 17 години за да се приклучи на клубот Мики Маус на Дизни.
Киану Ривс
Во една прилика, Кијану Ривс за Дејли Мејл изјави дека го напуштил училиштето затоа што никогаш не се вклопил.
„Тоа беше многу мало училиште и претпоставувам дека не се вклопував. Имав конфликти и проблеми со персоналот.
Јас и директорот немавме ист поглед на светот. Поставував премногу прашања за сè“, истакна познатиот актер.
Квентин Тарантино
Квентин Тарантино сакал да изгради филмска кариера, па затоа го напуштил средното училиште кога имал 15 години.
Камерон Диаз
Камерон Диаз иако денеска е една од најпознатите холивудски актерки, сепак нејзината прва љубов е манекенството поради кое и го напуштила училиштето кога имала 16 години.
Меѓу ѕвездите кои не завршиле средно училиште се Џон Траволта, Џим Кери, Аврил Лавињ, Дру Баримор и Кети Пери.
В. К. | Црнобело
Би можело да ве интересира:
Препорачуваме
Најчитани неделава
