Заработувала милиони, сега не смее да користи Инстаграм - Нови детали за сопругата на Канје Вест

Детали

понеделник, 29 јануари 2024

На само 18 години отворила свој бренд кој ѝ донел милиони, а денес не смее да отвори ниту профил на Инстаграм без дозвола на Канје. Нови детали за Бјанка Сенсори и нејзиниот скандалозен живот со раперот.

Канје Вест има план како да ѝ помогне на сопругата Бјанка Сенсори да не обрнува внимание на негативните коментари: таа не смее да користи социјални мрежи.

Според луѓето што се блиски до неа, раперот вака ја оправдува својата одлука, а главна цел му е целосно да ја оддалечи сопругата и да ја изолира.

Претходно, луѓето блиски до Бјанка тврдеа дека нејзиниот сопруг ја контролира и ја манипулира, а сега истите откриваат дека таа целосно престанала да користи социјални мрежи откако се омажила за поранешниот сопруг на Ким Кардашијан.

„Тој не сака Бјанка да има профили на социјалните мрежи затоа што смета дека ќе биде повредена ако ги чита погрдните коментари на луѓето.

Ја убеди дека, штом е ѕвезда, мора да ја зачува мистериозноста и тоа воопшто не им се допаѓа на луѓето што ја познаваат и им наликува на уште една форма на контролирање“ – пишува Daily Mail.

Од друга страна, разголените фотки на Бјанка се на неговите профили, па така, тој го контролира наративот и ја прави што е можно поизолирана.

На многумина не им е јасно како е можно Бјанка, која била признаен архитект пред да го запознае Канје, да дозволува да ѝ се случува ова.

Бјанка дипломирала и магистрирала во Мелбурн во областа на архитектурата. Прво започнала своја компанија за изработка на накит, која набрзо ја затворила, а потоа се вработила во компанијата Yeezy на Канје.

Се верува дека Бјанка била „наградуван архитект, познат по своите иновативни дизајни и посветеноста на енергетски ефикасната архитектура“.

Најголемото богатство го заработила во периодот од 2013 до 2017 година кога како 18-годишна девојка ја отворила компанијата Nylons, за која дизајнирала накит изработен од кристали и најлонска мрежа.

Во тој период Бјанка заработила околу 2 милиони долари, а и денес има солидна заработка како главен архитект во компанијата Yeezy.

Б. С. Б. | Црнобело