„Чак Бас ја најде Блер во вистинскиот живот“ - Ед Вествик ја запроси саканата

Детали

вторник, 30 јануари 2024

Ед Вествик ја запроси една од најубавите жени во светот - клекна на колено во Швајцарија, на мост кој се наоѓа на 3.000 метри надморска височина и ја изненади со прекрасен прстен...

Актерот Ед Вествик, најпознат по улогата на Чак Бас во хит серијата „Gossip Girl“, клекна на колено и ја запроси својата девојка Ејми Џексон. Тој ја побара за сопруга на мост кој се наоѓа на 3.000 метри надморска височина, помеѓу Les Diablerets и Scex Rouge во Гштад, Швајцарија.

„По ѓаволите ДА“, напиша Ејми на Инстаграм и објави неколку фотографии од романтичното запросување.

Таа на фотките делува изненадена, а со рацете ја покрива устата.

Вествик, пак, ги сподели фотографиите на Инстаграм Стори со порака „Освоив џек-пот“.

„Чак Бас ја најде својата Блер“, се дел од коментарите, кои потсетуваат на епската љубов помеѓу двата омилени лика во серијата „Gossip Girl“.

Ејми и Ед се во врска скоро три години.

Се запознале на забава преку заеднички пријател, а Вествик ја поканил на кафе и ѝ кажал да го земе и нејзиното куче.

„Ми ги спомна двете омилени работи – кафе и кучето. Не можев да го одбијам“, вели таа во интервју во кое ја раскажа приказната за нивната љубовна врска.

Ејми беше избрана за Мис тинејџерка на светот, а сега е актерка и режисер.

Таа има син од првиот брак, кој е многу близок со Ед.

Актерот, пак, откако е со Ејми, е многу „смирен“.

Тој имаше тежок период во 2017-та кога четири жени го обвинија за сексуално злоставување, а тој ги демантираше обвинувањата. Подоцна и судот во Лос Анџелес ги отфрли обвинувањата против актерот.

Прочитајте и По обвинувањата за силување, освои една од најубавите жени на светот: Која е девојката на Чак Бас од приватниот живот?

А. Ј. | Црнобело