Ја снима додека таа позира, не ги одлепува рацете од неа: Бен Афлек покажа колку е вљубен во Џеј Ло (видео)

Детали

среда, 14 февруари 2024

Бен ја снима додека Џеј Ло гордо позира во провокативната тоалета. Актерот синоќа беше огромна поддршка за актерката која го објави нејзиниот најнов филм кој е инспириран од нивната љубовна приказна и од љубовните писма што тој ѝ ги напишал.

И покрај тоа што многумина не веруваат дека нивниот брак може да опстане, Бен Афлек се труди да покаже дека е лудо вљубен во својата сопруга Џеј Ло.

Синоќа тој беше заедно со неа на премиерата на нејзиниот најнов филм This is Me… Now: A Love Story во Лос Анџелес, а социјалните мрежи се преплавени со фотографии и видеа од нивното заедничко појавување на белиот тепих на кој имаше расфрлани ливчиња од рози.

Џеј Ло на себе носеше црн топ со долго проѕирно здолниште и црни ракавици и ја покажа совршената фигура, а јасно е дека за нејзиниот сопруг таа беше најубавата жена вечерта.

Бен беше снимен како самиот со телефон ја снима сопругата додека таа позира пред камерите, како ѝ помага да излезе од автомобилот и ѝ дава поддршка пред важната вечер, а во неколку наврати беа уловени како се бакнуваат и разменуваат нежности пред камерите.

Инаку, Џеј Ло во моментов објавува три проекти кои се посветени на нејзината потрага по вистинската љубов, мјузиклот This Is Me… Now: A Love Story, истоимениот музички албум и документарен филм, каде ќе бидат опфатени моментите од работата на филмот и албумот.

Интересно е тоа што Џеј Ло откри дека нејзините песни се инспирирани од љубовните писма што Бен ѝ ги пишувал во минатото.

Во галеријата погледнете повеќе фотографии од заедничкото појавување на Бен и Џеј Ло:

• 
• 
• 
• 
• 
• 
• 
• 
• 
• 
• 
• 
• 
• 
•  

Б. С. Б. | Црнобело