Џери од Spice Girls среде скандал: Објавени „секс“ пораки од нејзиниот сопруг до колешка

Детали

петок, 01 март 2024

Нивната врска беше скандалозна уште на почетокот, бидејќи сопругот на Џери ја остави тогашната партнерка кратко откако му роди ќерка. Живееја среќно 10 години, сѐ додека во јавноста не протекоа фотографии од пораките што ги праќал до колешка. Детали за скандалот во кој се најде Џери од Spice Girls.

Поранешната членка на Spice Girls, Џери Халивел, во моментов се најде среде скандал, откако беа објавени непристојни пораки што нејзиниот сопруг Кристијан Хорнер ги испраќал до колешка.

Кристијан претходно беше под истрага за непристојно однесување на работното место.

Во продолжение повеќе детали за скандалот во кој се најде поранешната Ginger Spice:

Џери Халивел го запознала сопругот Кристијан Хорнер, кој е шеф на Red Bull тимот на Формула 1, во 2009-та година на забава на Берни Еклстоун во Монако, но тие двајца не почнале да се забавуваат сѐ до 2014-та година.

Во тој период нивната врска беше осудена од јавноста, затоа што за да биде со Џери, Кристијан ја напушти партнерката со која беше заедно 14 години, само 6 месеци откако се роди нивната ќерка Оливија.

Тие двајца стапија во брак во 2015-та година и заедно се грижеа за нивните ќерки од претходни бракови, а во 2017-та година го добија и синот Монти.

Се чинеше дека Џери и сопругот имаат одличен однос и дека се среќно вљубени, сѐ до почетокот на февруари годинава, кога за првпат беше објавена веста дека тој е под истрага на тимот, откако одредени вработени се пожалиле на непристојно однесување.

Истрагата траеше речиси еден месец и само неколку часа откако тимот утврди дека наводите се лажни и дека Кристијан може да продолжи со својата функција, во повеќе таблоиди беа објавени непристојни пораки и фотографии што тој ги праќал до колешка.

Продолжува на следната страница...