Тренд или скандал: Голотијата на сопругата на Канје Вест инспирација за славните дами на црвен тепих

Детали

сабота, 09 март 2024

Кирстен Стјуарт, Ема Корин, Кои Лерај... Славни дами кои се појавија во комбинации слични на скандалозните изданија на сопругата на Канје Вест.

Бјанка Сенсори од сосема непозната личност, стана една од најозборуваните жени во светот, благодарение на бракот со Канје Вест и разголените и скандалозни модни изданија, во кои ретко кој би имал смелост да се појави.

И додека многумина шпекулираат за модниот избор на Бјанка и дали тој се граничи со законите за непристојно појавување, се чини дека нејзините стајлинзи сепак се инспирација за некои изданија на црвениот тепих.

Така, забележително е дека едно од „поскромните изданија“ на Бјанка за време на Модната недела во Милано во февруари годинава, било инспирација за стајлинзите на барем неколку познати дами, а во слични изданија се појавувале и други дами во минатото.

Актерката Кирстен Стјуарт се појави на премиерата на филмот Love Lies Bleeding во провокативен аутфит, кој премногу потсетува на она што Бјанка го носеше неколку недели претходно.

Инаку, стајлингот во кој навидум славните личности се шетаат само во долна облека беше присутен и на доделувањето на Греми наградите, па така Мајли Сајрус на црвениот тепих се појави речиси гола, а раперката Кои Лерaj носеше само сако и долна облека.

Во сличен аутфит се има појавено и актерката од серијата The Crown, Ема Корин, а слични изданија беа забележани и на Модната недела во Париз.

Без разлика на тоа што многумина го осудуваат Канје за тоа што ѝ го прави на сопругата која постојано парадира полугола (или сосема гола) на настаните, јасно е дека нејзиниот стајлинг е инспирација за многумина.

Погледнете повеќе фотографии во галеријата:

• 
• 
• 
• 
• 
• 
• 
• 
• 
• 
• 
• 
• 
•  

Б. С. Б. | Црнобело