Шакира заводнички позира со згодниот актер од Emily in Paris: „Не ми треба маж да ме кочи во животот“

Детали

четврток, 21 март 2024

„Јас сум сама мајка и немам сопруг дома да ми помогне со било што, но подобро, бидејќи тој ќе ме кочеше во животот“ – изјави Шакира откако позираше заводнички со секси актерот од Emily in Paris.

Пејачката со колумбиско потекло, Шакира, деновиве има полни раце работа додека го промовира нејзиниот нов албум насловен „Los Mujeres Ya No Lloran“.

Таа објави нови фотки на кои позира со згодниот британски актер Лусиен Леон Лависконт кој се прослави во хит-серијата на Нетфликс, Emily in Paris.

Познато е дека згодниот актер ќе игра заедно со неа во нејзиниот нов спот за песната Punteria, која ја сними заедно со Cardi B, а фотките добија голем број позитивни коментари.

Сите се сложни дека пејачката нашла совршен начин да му покаже на Пике што загубил. 

Освен што објавува фотки и сегменти од песните, Шакира редовно гостува во интервјуа, каде зборува за својот нов проект, но исто така споделува и детали за приватниот живот со поранешниот партнер Жерар Пике, со кого доби два сина.

Пејачката отворено признава дека животот со познатиот фудбалер не бил како од бајките и дека ѝ било многу тешко да најде баланс во животот:

„Како да бев во некоја врска каде што имаше љубов и омраза, затоа што секојпат кога требаше да одам во студио да работам, не успевав.

Се чувствував дека си го оставам семејството незгрижено. Имаше периоди кога воопшто не уживав. Се чувствував виновно, се чувствував растргнато“ – рече таа.

По разводот, Шакира живее во Мајами со децата и вели дека животот целосно ѝ се променил.

„Иако се соочувам со поголем број предизвици затоа што сега сум одговорна за овие две деца, две бебиња што зависат целосно од мене. Јас сум сама мајка и немам сопруг дома да ми помогне со било што.

Но, сепак, добро е што немам сопруг затоа што... Не знам зошто, но тој ме кочеше во животот. Сега имам желба да работам, да пишувам песни. Чувствувам дека сакам да творам музика. Тоа ми е компулсивна потреба што не ја чувствував претходно“ – изјави пејачката.

Погледнете уште неколку фотки на Шакира од фотосесијата со актерот:

Б. С. Б. | Црнобело