Која трагедија во животот ја натера Памела Андерсон да се откаже од шминка?

Детали

сабота, 06 април 2024

На забавата по Оскарите 2024 се појави без грам шминка и со несредена коса, на модни ревии оди во природни изданија – што ја натера Плејбој ѕвездата, која во 90-тите не знаеше што е тоа многу шминка, да престане да се шминка?

Памела Андерсон во младоста беше позната по тоа што ставаше многу шминка и никогаш не се појавуваше во природно издание, туку секогаш оддаваше впечаток на „пластична убавица“.

Но, неколку децении подоцна, во нејзините 50-ти години, таа одлучи да се откаже од овој изглед и на големите настани да се појави без грам шминка.

На забавата по Оскарите 2024, таа зачекори без грам шминка и со несредена фризура, на модна недела исто така се појавува со своето природно лице, а и во нејзиниот документарец на Нетфликс, одбила да стави шминка. 

Иако изгледа како освежување во светот на познатите кои се покриени со шминка и филтри, и добива многу пофалби за храброста, сепак многумина се прашуваат што е тоа што ја натера на овој чекор.

А, освен желбата за слобода, зад оваа нејзина одлука се крие емотивна причина.

Минатата година, во интервју за Elle, таа откри дека нејзината шминкерка Алексис Вогел, трагично починала од рак на дојка, па оттогаш се откажала од нејзиниот препознатлив изглед.

„Таа беше најдобра. И оттогаш, едноставно чувствував, дека без Алексис, подобро е да не носам шминка“.

Актерката од Baywatch и Плејбој ѕвезда, сега ужива во природниот изглед, кој ѝ дава ослободувачко чувство, како што кажува.

„Новиот изглед е ослободувачки и забавен, а и малку бунтовен. Сите ставаат некои драматични шминки, а јас како да одам спротивно од сите останати.

Плус, малку е забавно тоа што старееме и кога ќе се погледнам во огледало, си се смеам и си велам – Зарем навистина ова ми се случува?

Но, се чувствувам добро“.

Таа повторно започна една нова ера, во која жените не мора да чувствуваат притисок дека секогаш мора да го покријат лицето со тон шминка. 

М. М. | Црнобело