Како Меланија Трамп ги троши милијардите на Доналд?

Детали

среда, 10 април 2024

Нејзината колекција чевли чини колку луксузен автомобил, а еднаш потрошила 100.000 долари за само една ноќ во Каиро – Како изгледа раскошниот живот на Меланија Трамп?

Меланија Трамп е најпозната по тоа што е поранешна прва дама на САД.

Впрочем, таа е сопруга на Доналд Трамп кој важи за еден од најбогатите американски претседатели во историјата на државата.

А, кога ќе се земе предвид дека богатството на Доналд се проценува на скоро 6 милијарди долари, Меланија несомнено ужива во раскошен живот.

Како поранешната прва дама на САД го троши богатството на сопругот?

Престојува само во луксузни хотели

Доналд Трамп поседува хотели во Њујорк, Чикаго, Лас Вегас, Мајами… И, нормално, Меланија максимално го користи ова и честопати отседнува во нив.

Но, таа престојува и во други луксузни хотели кои не се во сопственост на сопругот. Во 2018-та, пак, се најде и среде скандал за ова.

Тогаш јавноста дозна дека Меланија потрошила 100.000 долари од државни пари додека била во Каиро.

Наводно, таа поминала само една ноќ во Каиро и отседнувала во претседателски апартман во скап хотел.

Ги користи приватните авиони на Доналд

Без разлика каде оди, Меланија ги користи приватните авиони на Доналд Трамп.

Според некои извори, во најскапиот авион на Трамп има спална соба, неколку тоалети, трпезарија, па дури и соба за состаноци.

Со Доналд имаат неколку куќи

Низ годините, Доналд има инвестирано во многу имоти низ целиот свет.

Покрај имотот познат како Мар-а-лаго што е постојано живеалиште на парот, Меланија неретко ужива и во пентхаус во Њујорк со поглед на Централ парк.

Носи само скапа облека

Кога беше прва дама на САД, Меланија стана и модна икона. И, тешко дека некогаш ќе ја видите во облека која не носи потпис на врвни дизајнери.

Таа има и свој стилист кој има изјавено дека секојпат кога одбира облека за Меланија, бара парчиња што ги нема носено ниту една позната личност.

Во периодот кога Трамп беше претседател, Меланија беше и критикувана за скапата облека.

Уште на почетокот на мандатот на Доналд, Меланија беше забележана во капут кој чини 50.000 долари и парчиња кои се поскапи од 5.000 долари.

Нејзината венчаница, пак, чинеше 100.000 долари.

Продолжува на следната страница...