Клои Кардашијан сака уште едно дете со Тристан Томпсон, по изјавата дека треба да биде кастриран за неверствата

Детали

четврток, 25 април 2024

Пред помалку од една година, Клои Кардашијан изјави дека бившиот Тристан треба да биде кастриран за бројните неверства додека беа заедно. Но, наводно сега размислува трето дете со кошаркарот, повторно со сурогат мајка.

Помеѓу бројните љубовни драми во кланот Кардашијан-Џенер, чудната врска на Клои и Тристан Томпсон се истакнува најмногу.

Многуте неверства на кошаркарот не ја спречија Клои да му прости неколкупати досега, па дури и да добие две деца со него.

Сега, пак, извори блиски до семејството велат дека Клои планира уште едно дете со бившиот Тристан.

„Клои отсекогаш сакала големо семејство какво што имаат нејзините сестри и секогаш вели дека сака да има четири деца.

Периодов сериозно размислува за трето бебе преку сурогат мајка, со Тристан“, открива извор на The Sun.

Клои и Тристан веќе добија едно дете со сурогат мајка, а во периодот кога јавноста дозна за ова, на виделина излезе уште една афера на кошаркарот која резултираше со дете.

Па, во само неколку месеци, тој доби две деца од две жени.

Но, наводно, Клои била подготвена да му прости, по којзнае кој пат бидејќи сакала уште едно дете.

„Нивната врска можеби беше бурна во минатото, но Тристан отсекогаш бил добар татко. И, на Клои ѝ се допаѓа како се грижи за нивните деца“.

Пред нешто повеќе од една година, мајката на Тристан почина, а наводно ова го променило.

„Клои им кажува на блиските дека по смртта на мајка му, Тристан е многу поодговорна личност.

Клои наскоро полни 40 години и сака да преземе поголема контрола над нејзиниот живот и да го добие она што го сака, а тоа е трето дете“, додава изворот.

Во септември минатата година, Клои зборуваше за неверствата на Тристан во ријалити шоуто на Кардашијанс и тогаш изјави дека поради тоа, заслужува да биде кастриран.

Извесен период се појавија и гласини дека тие се смириле, но се чини дека засега не се пар и само заедно се грижат за нивните деца.

За потсетување, Тристан и Клои ја добија ќерката Тру во 2018 година, а додека ријалити ѕвездата се породувала, кошаркарот бил со друга жена.

Потоа, во 2022-ра, тие го добија синот Тристан со сурогат мајка. Не е познато зошто Клои се одлучила за сурогат мајка, но наводно ја донела одлуката по неколку неуспешни обиди за асистирано оплодување.

Спирова С. | Црнобело