Зошто Анџелина не сака да се разведе од Бред Пит, откако биолошката ќерка ѝ го сврте грбот?

Детали

недела, 28 април 2024

Бред Пит повторно сака да стане татко и се надева дека во 70-тите години кога ќе оди да ги зема децата од училиште сѐ уште ќе биде најзгодниот маж таму, но на Анџелина не ѝ се допаѓаат овие планови. Зошто актерката планира да го влече разводот уште најмалку 4 години?

Разводот на Анџелина Џоли (48) и Бред Пит (60) веќе со години се провлекува низ судниците и важи за една од најдолгите бракоразводни парници во Холивуд, која трае веќе 8 години.

Неодамна беше соопштено дека биолошката ќерка на Анџелина и Бред, Шајло (17) планира да ѝ го сврти грбот и да се пресели кај татко ѝ, а актерката има свои причини зошто планира уште неколку години да ги влече работите.

Според дел од странските медиуми, Бред е подготвен да стави крај на бракот со Анџелина и да ги прифати нејзините барања за целосно старателство над децата, иако тоа не му се допаѓа.

Тој сака да го продолжи животот со 30 години помладата девојка Инес де Рамон, особено откако таа го финализира разводот со поранешниот сопруг Пол Весли во март годинава.

„Тоа што Инес го финализира разводот од нејзиниот сопруг и се пресели кај Бред, за него е поттик што поскоро да стави крај на проблемите со Анџелина.

Тој сака да оди чекор понатаму со Инес, но не може затоа што технички сѐ уште е во брак со мајката на неговите деца“ – велат извори блиски до актерот.

Наводно, дури и децата на парот веќе сакаат да се стави крај на судската битка, но Анџелина е таа што не сака ова поглавје во нејзиниот живот да заврши.

„Таа најверојатно ќе ја влече оваа битка за старателство сѐ додека нејзините 14-годишни близнаци не станат полнолетни, или уште 4 години“ – велат извори блиски до парот за светските медиуми.

Според пресметките на дел од странските медиуми, Бред досега потрошил околу 14 милиони на правната битка со поранешната сопруга и по сѐ изгледа и во иднина ќе треба да ги покрива судските трошоци, сѐ додека таа не одлучи дека треба да се откаже.

Уште една од причините која би можела да ѝ пречи на Анџелина е тоа што тој најверојатно сака да добие уште едно дете со новата девојка.

„По сѐ што помина со неговите деца, Бред сака да почне од почеток и да создаде нови спомени. Свесен е дека веќе годините му одминуваат.

Дури се шегуваше дека кога ќе оди да ги зема децата од училиште на 70 години, сѐ уште ќе биде еден од најзгодните мажи“ – велат изворите.

Инаку, за потсетување, три од посвоените деца на Бред и Анџелина веќе се полнолетни и јавно кажаа дека немаат намера да го гледаат нивниот татко.

Само биолошката ќерка Шајло најави дека по нејзиниот 18-ти роденден во мај годинава планира да се пресели кај него.

Парот сега единствено води битка за старателството над двете најмали деца, односно близнаците Нокс и Вивиен.

Б. С. Б. | Црнобело