Најскапите модни изданија на познатите дами на црвениот тепих

Детали

среда, 01 мај 2024

Знаете ли дека впечатливиот жолт фустан што Ријана го носеше на Мет галата во 2015-та денес се проценува на три милиони долари?

Кога само накитот им чини неколку милиони, за познатите дами не е недостижно да се појават на важен настан во аутфит кој вреди цело богатство.

Секако, овде се и скапите дизајнерски фустани што ретко кој може да си ги дозволи.

Нормално, познатите дами не трошат по неколку милиони само за еден настан и обично имаат соработка со дизајнерите, па носат нивни креации.

Кои се најскапите модни изданија на славните на црвениот тепих?

Гвинет Палтроу на Оскари 2012

На Оскарите во 2012 година, Гвинет Палтроу се појави со бел фустан на брендот Tom Ford.

Таа носеше и белегзија изработена од 2.300 дијаманти, па целиот нејзин аутфит се проценува на околу 1 милион долари.

Блејк Лајвли на Мет гала 2018

Убавата актерка се појави на настанот во раскошен Versace фустан за кој наводно биле потребни 600 часа да се изработи.

Покрај тоа, носеше и смарагдни обетки, круна и впечатливи прстени и белегзија, а целиот аутфит се проценува на околу 2 милиони долари.

Ријана на Мет гала 2015

Ријана можеби беше мета на шеги со впечатливиот жолт фустан, но тоа не значи дека креацијата не чинела цело богатство.

Фустанот е дело на кинеската дизајнерка Гуо Пеи и тежи 25 килограми.

На дизајнерката ѝ биле потребни две години за да го направи, а користела само материјали со врвен квалитет.

Првично фустанот се проценувал на околу еден милион, но откако го облече Ријана, денес се проценува на речиси три милиони долари.

Џеј Ло на Мет гала 2019

Уникатниот фустан што Џеј Ло го носеше на Мет гала во 2019-та е од брендот Versace.

Пејачката го искомбинира фустанот со дијамантски украс на главата и дијамантски накит, па целиот аутфит што го носеше се проценува на дури девет милиони долари.

Ен Хатавеј на Оскари 2011

Valentino фустанот на Ен Хатавеј го подели мислењето на јавноста, но сепак чини над 100.000 долари.

Но, многу поскап е дијамантскиот ѓердан од Tiffany and Co. кој вреди 10 милиони долари.

Продолжува на следната страница...