Проблематичниот син на Николас Кејџ: Ја удрил мајка му додека имал нервен слом, има убиено куче

Детали

четврток, 09 мај 2024

Бившата на Николас Кејџ се појави со голема модринка на окото која ја добила од нивниот син Вестон Кејџ. Ова не е првиот инцидент на 33-годишниот Вестон кој со години има сериозни проблеми со менталното здравје. Што знаеме за него?

Актерот Николас Кејџ има три деца – синот Кал-Ел кој го доби со поранешната сопруга Алис Ким, синот Вестон, кој го доби со бившата девојка Кристина Фултон, како и ќерката Август Франческа која ја доби со сегашната сопруга во 2022 година.

А, со средното дете, синот Вестон, актерот има проблеми веќе со години.

Последно, 33-годишниот Вестон беше уапсен со обвинение дека ја нападнал мајка му Кристина Фултон.

Наводно, на 28-ми април, Вестон и мајка му почнале да се расправаат во домот на Кристина во Лос Анџелес, по што ситуацијата ескалирала и тој физички ја нападнал.

Во нејзиниот дом дошла и брза помош, но таа одбила да оди во болница. Била повикана и полиција, но дотогаш Вестон веќе си заминал.

Вестите за инцидентот ги пренесе TMZ, откако во неделата (05.05) Кристина беше фотографирана со голема модринка на окото која ја добила од син ѝ.

Според извори блиски до бившата на Николас Кејџ, Вестон имал емотивни и психички проблеми, а мајка му пробала да го утеши, но ситуацијата тргнала во погрешна насока.

На 6-ти мај, Кристина се огласи за инцидентот:

„Јас и Вестон не се расправавме пред инцидентот. На 28-ми април, бев контактирана од неколку негови пријатели за да им помогнам бидејќи имал криза со менталното здравје.

Реагирав брзо за да се осигурам дека тој е безбеден. Кога го видов, сфатив дека син ми очигледно е во состојба на нервен слом, што се претвори во застрашувачко искуство.

Отсекогаш сум му помагала на син ми со проблемите со менталното здравје“.

Ова не е првпат синот на Николас Кејџ и Кристина да има проблеми со менталното здравје. Всушност, тој беше и присилно хоспитализиран поради насилен инцидент.

Неколку детали од неговиот живот, но и за битките со менталното здравје:

Има свој бенд

Додека повеќето членови на неговото семејство се занимаваат со глума, Вестон одлучи да гради музичка кариера.

Најпрво, основал метал бенд додека бил во средно, и со ова станал релативно познат кај љубителите на овој жанр.

Бендот се растури во 2012-та, а потоа Вестон основа уште еден бенд кој е активен и денес.

Беше во брак трипати

Првата сопруга на Вестон се вика Ники Вилијамс и беа во брак само една година – од 2011-та до 2012-та.

Бракот со втората сопруга, Даниел, издржа три години, а парот доби и два сина.

Вестон се венча со третата сопруга Хила во 2018-та и се заедно до денес.

Продолжува на следната страница...