Тајните на славните дами заради кои чекорат во штикли како да се во патики

Детали

понеделник, 13 мај 2024

Бираат носени и разгазени чевли наместо извадени од кутија за на настан, Кејт Мидлтон практикува тенки, кожени влошки на поголем број чевли, а многумина имаат и трик за ѓонот да не им се лизга - какви тајни имаат славните за да изржуваат во штикли?

Ретки се оние жени кои носат високи штикли и не се жалат дека не можат повеќе да стојат или да одат во нив по неколку часа. 

Од друга страна, славните дами издржуваат на настани и настапи во високи штикли и речиси и да не се забележува дека имаат мака. 

Но, за тоа се служат со неколку трикови кои може и вам да ви бидат од корист. 

Кои се тајните на ѕвездите за да им бидат поудобни штиклите?

Бираат разгазени, претходно носени чевли наместо да ризикуваат целосно нови за настан

Ако ѓонот е мазен и лизгав, го поминуваат со селотејп за да биде порапав и да избегнат лизгање или лепат проѕирна, тенка лента или влошка

Практикуваат штикли со платформа во пределот на прстите за подобра поддршка на стапалото при газење

Често практикуваат и чевли со лента на врзување околу глуждот за дополнително зацврснување на чевлите

Марго Роби користи антивоспалителен спреј за стапала – наводно ментолот ѝ ја намалува неудобноста од чевлите

Кејт Мидлтон користи многу тенки кожени влошки – а многумина земаат поголем број чевли за да стават гелни влошки за полесно газење и стоење

Многу актерки на снимањата носат штикли само кога истите се гледаат, а под долгите фустани на паузи носат рамни чевли

За да спречат појава на плускавци, но и да се ослободи притисокот од нервот кој се наоѓа помеѓу прстите, ги лепат третиот и четвртиот прст со леплива лента

М. М. | Црнобело