„Со месеци повраќав крв“: Кејт Бекинсејл гневна откако ја обвинија дека е преслаба и зема Оземпик

Детали

среда, 29 мај 2024

„Не е важно што мислат луѓето како изгледам или како би требало да изгледам, важно ми е моето семејство да е добро. Јас само сакам да го преживеам овој тежок период. Доста е со коментарите дека треба да јадам и дека сум преслаба“, вели Кејт Бекинсејл, која беше 6 недели во болница поради „мистериозна болест“.

Холивудската глумица Кејт Бекинсејл (50) се подготвува за снимањето на нејзиниот нов филм Stolen Girl, па на Инстаграм Стори сподели неколку фотографии на кои пробува фустани за улогата.

Но, овие фотки уште еднаш ја поттикнаа јавноста да го коментира нејзиниот изглед, велејќи дека е пропадната и преслаба.

Овие коментари доаѓаат откако актерката на почетокот на годината заврши во болница, каде што остана 6 недели, но не ја откри причината за тоа.

Поради ова се шпекулираше дека, како многу други ѕвезди, и таа почнала да користи Оземпик, лек за дијабетес, кој многумина во Холивуд го злоупотребуваат за драстично да ја намалат тежината.

Бекинсејл сега ги демантира овие коментари и откри зошто била во болница.

„Моето здравје се влоши поради стрес, шок и тага по смртта на очувот кого го негував последните месеци од неговиот живот.

Мајка ми поминува низ тежок период. А јас морав да гледам како ми умираат двајцата татковци - биолошкиот кога имав 5 години и сега, кога почина Рој“, вели таа.

Таткото на Кејт починал од срцев удар, а актерката, која тогаш била дете, го нашла неговото безживотно тело.

Очувот на Бекинсејл, пак, британскиот режисер Рој Батерсби, почина на 87 години во јануари 2024. Тој беше во брак со нејзината мајка од 1997 година.

„Не е важно што мислат луѓето како изгледам или како би требала да изгледам, важно ми е моето семејство да е добро. Јас само сакам да го преживеам овој тежок период.

Доста е со коментарите дека треба да јадам и дека сум преслаба“, признава актерката.

Таа откри и дека кон крајот на 2023 починал и нејзиниот миленик, мачката што ја чувала 19 години, а дополнително го зголемило стресот.

„Со месеци повраќав крв, и сето тоа било предизвикано од стресот низ кој поминував изминатата година. Затоа поминав 6 недели во болница“, додава таа.

А. Ј. | Црнобело