Деми Мур сака (многу) помлади мажи – флертува со 27 години помладиот Џо Џонас во Франција

Детали

петок, 07 јуни 2024

По заедничките фотки на Деми Мур (61) и Џо Џонас (34), во јавност се разгореа гласините дека тие се повеќе од пријатели. А, ова нема да биде првпат Деми да си најде многу помлад партнер, како Ештон Кучер кој е 15 години помал од неа.

Периодов Деми Мур е во Франција поради Канскиот филмски фестивал кој се одржуваше во мај.

Покрај нејзините смели изданија на фестивалот, доста внимание привлекоа новите фотки со Џо Џонас кои ги разгорија гласините дека можеби се пар.

Пред два-три дена, 61-годишната актерка и 34-годишниот пејач беа фотографирани во ресторанот на луксузен хотел во Франција.

На фотките објавени од страна на Page Six, се гледаат актерката и пејачот на маса во друштво на уште двајца пријатели, а потоа се фотографирани и додека разговараат сами.

Според некои извори, тие дефинитивно биле повеќе од пријатели, а флертувањето било повеќе од очигледно.

Но, друг извор тврди дека тоа се измислици.

Наводно, тие се запознале на Канскиот филмски фестивал и се зближиле бидејќи имале заеднички пријатели.

По фотките во ресторанот, Деми и Џо биле излезени заедно уште еднаш.

Деми Мур е сингл, додека Џо Џонас лани се разведе од актерката Софи Тарнер.

По разводот, тој имаше кратка врска со моделот Сторми Бри, а раскинаа пред некоја недела.

Ова не е првпат Деми Мур да биде поврзувана со многу помлад маж.

Во минатото, таа беше во брак и со Ештон Кучер, кој е 15 години помлад од неа.

По разводот од Брус Вилис, пак, Деми беше поврзувана со други помлади мажи, вклучувајќи ги актерот Овен Вилсон кој е 6 години помлад од неа, како и Колин Фарел кој е 13 години помлад од неа.

Постојат гласини и за врски со помалку познати мажи, кои повторно се помлади од неа, како нејзиниот поранешен инструктор по карате, кој е 10-ина години помлад.

Спирова С. | Црнобело