„Беше како зомби, плачеше“: Тажни детали од последните години од животот на Авичи во нов документарец

„Знаев дека пие лекови против болка за да ја смири анксиозноста, но тие само му ја влошуваа. Очите му беа широко отворени, како на зомби“, вели пријател на Авичи за последната година од животот на диџејот, кој самиот си го одзема.

beshe-kako-zombi-placheshe-tazhni-detali-od-poslednite-godini-od-zhivotot-na-avichi-vo-nov-dokumentarec-01.jpg

Во 2018-та, на само 28-годишна возраст, светски познатиот диџеј Авичи си го одзеде животот, по макотрпна битка со зависности и проблеми со менталното здравје.

Песните на шведскиот диџеј до денес важат за хитови, но се чини дека токму огромната популарност била пресудна за неговата одлука да посегне по животот.

Сега, во јуни годинава, е издаден нов документарец за диџејот – „Avicii – I’m Tim“ – направен од шведски продуцент и режисер, кој се фокусира на последните години од животот на диџејот.

Во документарецот има и инсерти од интервјуа со диџејот, направени кратко пред неговата трагична смрт.

beshe-kako-zombi-placheshe-tazhni-detali-od-poslednite-godini-od-zhivotot-na-avichi-vo-nov-dokumentarec-04.jpg

Пред самиот крај, диџејот бил како „зомби“, а текстовите на неговите последни песни биле како повик за помош, барем така сметаат неговите сакани.

Во документарецот, диџејот самиот вели дека „се убивал себеси“ со постојаното одење на турнеи, а никогаш не посакувал таков начин нс живот.

Авичи се прослави пред да наполни 20 години и во период од шест години настапуваше над 800 пати. Некогаш настапувал и во два града во иста ноќ.

Во 2016-та, на 26-годишна возраст, беше присилен да престане со настапи поради здравствените проблеми, но и проблемите со зависност од дрога и алкохол.

beshe-kako-zombi-placheshe-tazhni-detali-od-poslednite-godini-od-zhivotot-na-avichi-vo-nov-dokumentarec-06.jpg

Документарецот се фокусира и на детството на диџејот кој пред да се прослави, речиси и да не го напуштал неговото соседство во Стокхолм.

Имал само два-тројца блиски пријатели, а соучениците го помнеле како момче кое сака компјутери.

Во средно, Авичи почнал да прави песни и да ги објавува на музички блогови, по што бил забележан од шведски промотор кој му рекол дека ќе го направи ѕвезда.

Една година подоцна, Авичи беше сензација.

beshe-kako-zombi-placheshe-tazhni-detali-od-poslednite-godini-od-zhivotot-na-avichi-vo-nov-dokumentarec-02.jpg

Со објавувањето на хитот Levels во 2011-та Авичи стана светска ѕвезда, а до 2013-та бараше и по 750.000 долари за настап.

Но, настапите не биле воопшто лесни за интровертниот Авичи.

„Сфатив колку сум напнат кога не пијам. Па, најдов волшебен лек – неколку пијачки пред настап за да се опуштам. Користев сè што можев да најдам.

Сфатив дека можам да настапувам цела недела, дека цела година можам да одам на турнеи. Се убивав.

Одењето на турнеи стануваше полудо... Од тој момент, сè се случуваше премногу брзо“, вели диџејот во документарецот.

beshe-kako-zombi-placheshe-tazhni-detali-od-poslednite-godini-od-zhivotot-na-avichi-vo-nov-dokumentarec-05.jpg

Во 2012-та диџејот бил хоспитализиран за панкреатитис. Тогаш му рекле дека мора да престане со пиење најмалку шест месеци, во спротивно телото нема да му закрепне.

На Авичи му било тешко да го следи ова правило и во својот дневник самиот признава дека ги слушал само лекарите кои му рекле дека е во ред да пие, но умерено.

Следната година, диџејот пак завршил во болница од истата причина, а притоа и драстично ослабел.

beshe-kako-zombi-placheshe-tazhni-detali-od-poslednite-godini-od-zhivotot-na-avichi-vo-nov-dokumentarec-07.jpg

Продолжува на следната страница...



Би можело да ве интересира:

8 славни жени кои решија да станат мајки по 40-тата година Хилари Свонк остана бремена на 48 години, Наоми Кемпбел доби син со сурогат мајк...
Познати светски ѕвезди чии родители им го уништиле детството И покрај славата и богатството, раниот живот на Меколи Калкин не бил лесен. Со н...
Зошто Анџелина не сака да се разведе од Бред Пит, откако биолошката ќерка ѝ го сврте грбот? Бред Пит повторно сака да стане татко и се надева дека во 70-тите години кога ќе...
Камила Кабејо за нејзиното прво сексуално искуство: „Имав 20 години, беше многу убаво“ Во ново интервју, Камила Кабејо откри дека првата љубовна врска ја почнала на 20...
„Да не беа децата ќе ме обземеше мрак, станав мајка на 26 години и тоа ме спаси“ – Анџелина Џоли за ... „Чувствувам како да не наликувам на себеси во последниве 10 години, на начин за ...
Скандалозниот љубовен живот на Џоан Колинс: Првиот сопруг ја силувал, од петтиот е постара 31 година „Сите поранешни сопрузи беа со мене за пари. Единствено третиот не се збогати на...

Најчитани неделава

sonovnik-sidebar.jpg