Бен Афлек посреќен од кога било без Џеј Ло – На Џенифер Гарнер ѝ е „преку глава“ да им биде брачен советник

Детали

петок, 05 јули 2024

Бен Афлек го прослави Денот на независноста на САД во друштво на децата и не престануваше да се смее, додека Џеј Ло беше на другиот крај од државата со нејзиниот менаџер и на фотките изгледа намуртено. Во меѓувреме, Џенифер Гарнер им рекла сами да си ги решаваат проблемите и да не бараат помош од неа.

Бен Афлек го помина Денот на независноста на САД во Лос Анџелес, во друштво на неговите деца.

Џеј Ло, пак, беше на одмор со нејзиниот менаџер, на другиот крај од државата.

Додека на папарацо фотките Џеј Ло не изгледа највесело, Бен се чини дека е посреќен од кога било.

Актерот беше во ресторан со ќерката Вајолет и синот Фин кои ги доби со Џенифер Гарнер, и не престануваше да се смее.

Во еден миг и нежно ја допре ќерка му Вајолет по лицето.

И кога станаа од ресторанот, Бен не ја тргаше насмевката.

Бен и Џеј Ло се немаат огласено за шпекулациите дека ќе се разведуваат, но наводно досега Џенифер Гарнер им била како брачен советник.

Сепак, извори блиски до Гарнер влеат дека на актерката ѝ е „преку глава од нивниот циркус“ и пробува да се дистанцира од нивните проблеми.

Според изворите, оваа ситуација ѝ будела болни сеќавања од периодот кога таа се разведуваше од Бен Афлек.

„Џен се најде во ситуација кога мораше да им рече сами да си ги решаваат проблемите. Сето ова станува премногу болно за неа бидејќи ја потсетува на нејзиниот развод“.

Наводно, уште кога Гарнер била со Бен, чувствувала дека треба да се натпреварува со Џеј Ло бидејќи актерот ја немал преболено.

„Додека беа во брак, Гарнер многупати ја гледаше Џеј Ло како конкуренција, без разлика што таа и Бен не беа во контакт со години.

Гарнер беше изненадена од тоа што Бен го прифати вниманието од јавноста, без разлика што беше затворена личност додека беше со неа.

Гарнер го отвори својот дом за Џеј Ло бидејќи минатото е зад неа. Се грижи за Џеј Ло и се грижи за нивните деца и за тоа како тие ќе се чувствуваат во целата ситуација.

Но, сепак, ова не е нејзин циркус и нејзе ѝ е преку глава да биде брачен советник на бившиот сопруг и неговата сопруга“, вели изворот.

Спирова С. | Црнобело