Мозочен удар, финансиски проблеми: Трагедиите што ги следат актерите од Beverly Hills

Џејсон Престли

Џејсон Престли ја напушти Beverly Hills во деветтата сезона, а подоцна има изјавено дека се каел за одлуката.

А, додека беше дел од серијата, беше популарен и за скандалозното однесување.

Самиот откри дека пред секое интервју, користел марихуана и пиел алкохол за да се дистанцира од ликот во серијата.

Во 1999-та, пак, удрил со неговиот автомобил во столб додека возел под дејство на алкохол, по што бил уапсен и поминал пет ноќи во затвор.

Возачката дозвола му беше суспендирана и актерот мораше да оди на програма за одвикнување од алкохол.

Во младоста, неговото хоби беше тркање со автомобили, па во 2002 година доживеа сообраќајка во која речиси загина.

Актерот заврши со скршен грб, потрес на мозокот, скршен нос и бројни други повреди, но успеа да закрепне.

Денес неговиот живот е подобар – тој е во брак од 2005 година, а со сопругата имаат две деца.

Џени Гарт

Џени Гарт целиот живот има проблеми со срцето, а јавноста дозна за ова дури во 2009 година.

Како што вели актерката, главната артерија која води до нејзиното срце некогаш претекува.

Таа истакнува дека може да води нормален живот, но дека мора постојано да ја следи состојбата.

Актерката имаше многу проблеми и во љубовта.

Со првиот сопруг се венча во 1994-та, но се разведоа само две години подоцна.

Со вториот сопруг доби три ќерки, а се разведоа по 11 години заедно.

Потоа, во 2015-та, таа се венча со третиот сопруг но се разделија во 2018-та.

Џени откри дека дознала дека сопругот сака да се разведат преку медиумите.

Сепак, по 10 месеци разделба, сепак успеаја да го спасат бракот.

Останатите ѕвезди од серијата

Габриел Картерис е во среќен брак од 1992 година, но имала проблеми со здравјето.

Во 2008 година, доживеала сериозно оштетување на нервите на лицето, и тоа додека снимала филм.

Шест месеци актерката имала парализа на лицето и не можела ни да зборува, но сега е во ред.

Брајан Остин Грин, пак, најмногу проблеми има во љубовниот живот.

Водеше битка за старателството над децата што ги доби со првата свршеница, а и бракот со Меган Фокс не заврши славно.

Моментално е во брак со втората сопруга.

Иан Зиринг исто така имаше проблеми во љубовта.

Најпрво беше во брак со Плејбој зајачица – од 1997 до 2002 година.

Потоа, во 2010 година се венча со втората сопруга, но соопштија дека се разведуваат во 2019-та.

Неодамна, пак, беше нападнат од група моторџии кои му го искршиле автомобилот и му нанеле неколку повреди.

Спирова С. | Црнобело