Вонбрачно дете, афера со порно актерка – Како се распадна бракот на Дејв Грол, најсаканата рок-ѕвезда?

Детали

среда, 18 септември 2024

Дејв Грол отсекогаш важел за „рок-ѕвезда која не се однесува како рок-ѕвезда“, па беше идол на многумина. Но, по признанието за вонбрачно дете, „се скрши“ илузијата што јавноста ја имаше за него. Кои други непријатни детали за Дејв излегоа на виделина?

Поранешниот тапанар на Nirvana, како и фронтменот на Foo Fighters, Дејв Грол, отсекогаш важел за добра личност која се држи настрана од скандалите кои се вообичаени за рок-ѕвездите.

Како личност го ценат и оние на кои не им се допаѓа неговата музика, па отсекогаш важел како пример за другите.

Сепак, скандалот што излезе на виделина му ја уништи репутацијата преку ноќ.

Веќе 20 години, Дејв е во брак со Џордин Блум, а заедно имаат и три ќерки.

Но, неодамна самиот призна дека не само што имал афера, туку добил и вонбрачно дете со неговата љубовница.

Дејв и сопругата

Па, како Дејв Грол го уништи неговиот навидум совршен брак?

Со сопругата се запознале во 2001 година

Дејв и Џордин се запознале во бар во 2001 година, но тој тогаш покажал незаинтересираност.

„Кога ја запознав сопругата, излеговме на неколку состаноци, но мислев дека не сум подготвен за сериозна врска, па престанав да ѝ се јавувам.

По три месеци, сфатив дека сакам да сум со неа, па ѝ се јавив. Таа ми рече ’Мислев дека никогаш повеќе нема да те видам‘“, откри пејачот во интервју.

Соработуваа на неколку проекти

Џордин, која е актерка и модел, се има појавено во спот на Foo Fighters.

Исто така, има режирано и еден спот на бендот, а пејачот, пак, има изјавено дека дел од неговите најдобри песни се инспирирани токму од неа.

Откако се венчаа, добија три деца

Дејв и Џордин се венчаа во 2003 година, а првата ќерка ја добија во 2006-та.

Во 2009-та ја добија втората ќерка, а третата се роди во 2014 година.

И, за време на секоја бременост на сопругата, пејачот не ја пропушташе можноста да се пофали дека ќе добие дете.

Дејв имал навика да флертува со други жени

Навидум совршениот брак бил далеку од хармоничен – нешто што се откри дури деновиве.

Иако на секое заедничко појавување изгледаa вљубени и среќни, сега извори блиски до парот откриваат дека Дејв постојано флертувал со други жени.

„Флертувањето на Дејв беше сериозен проблем во нивниот брак. Многу ја повредуваше Џордин.

Постојано читаме како сите се разочарани бидејќи Дејв е ’добра личност‘, рок-ѕвезда која не се однесува како рок-ѕвезда.

И, јавноста е луда по него, но тој сепак се однесува како и секоја рок-ѕвезда“, вели извор за магазинот People.

Продолжува на следната страница...