„Иди у …“ – Хит-видео од Бред Пит како го пцуе Клуни на балкански начин во најновиот филм

Детали

четврток, 03 октомври 2024

Двајцата извадија пиштоли, спремни за пресметка, и додека хрватскиот актер Златко Буриќ ја смирува ситуацијата со реченицата „Оладите...“, Бред Пит го пцуе Џорџ Клуни со пцовката: „Иди у пи*ку материну“...

Ќе биде потребно добро да внимавате, но на крај ќе сфатите дека навистина Бред Пит го псуе Џорџ Клуни на балкански начин во новиот филм Wolfs, со пцовката која е карактеристична за сите балкански југословенски народи.

На Јутјуб е објавено кратко видео од најновиот филм на Џорџ Клуни и Бред Пит, Wolfs, кое ги заинтригира сите балкански народи, затоа што во меѓусебна расправија во една од сцените, ако добро внимавате ќе забележите дека Бред Пит му вели на Клуни:

„Ма иди у пи*ку материну!“

Станува збор за сцена којашто се одвива за време на свадба, па откако ќе завршат со свадбеното оро, при крајот двајцата актери ги вадат пиштолите еден кон друг, а Пит го пцуе Клуни.

Во филмот глуми и хрватскиот актер Златко Буриќ, кој ја толкува улогата на руски мафијаш, а исто така се појавува во истата сцена.

Погледнете го видеото (пцовката е на 2:17):

Инаку филмот Wolfs e прво заедничко враќање на Пит и Клуни на големото платно по цели 6 години.

Станува збор за крими комедија, слична на претходните заеднички проекти во кои играа двајцата холивудски заводници.

Пит и Клуни толкуваат ликови кои се занимаваат со прикривање убиства и криминални дејствија, а сосема случајно ќе бидат принудени да работат заедно.

Погледнете го трејлерот за нивниот најнов филм:

Б. С. Б. | Црнобело