Последните видеа од Лиам Пејн со обожаватели во Аргентина, пред да почине: „Се гледа дека не му е добро“

Детали

четврток, 17 октомври 2024

„Погледнете му ги очите...“ – стои во еден од коментарите до видеото објавено од страна на обожавателка на Лиам Пејн, на кое се гледа како изгледал музичарот само неколку часа пред да падне од балконот во хотелот во Аргентина, каде починал.

Веста за смртта на некогашниот член на One Direction, Лиам Пејн го обиколи светот, а неговите обожаватели со тага и неверување се обидуваат да прифатат дека него повеќе го нема.

Според досега објавените информации, Лиам Пејн се однесувал мошне агресивно во лобито на хотелот каде што престојувал, по што присилно бил однесен во неговата соба, а вработените побарале помош и од полицијата.

Но, вработените велат дека само неколку минути подоцна слушнале силен тресок и го нашле музичарот, кој најверојатно бил под дејство на опојни супстанци и алкохол, па паднал од балконот на третиот кат од неговата соба.

Обожавателки од Аргентина објавија кратко видео на социјалните мрежи на кое се гледа како изгледал Лиам, само неколку часа пред смртта.

Музичарот делел автограми на неговите обожавателки кои го пречекале пред хотелот, па дури и им пеел песни на шпански јазик.

Кликнете на објавата за да го погледнете видеото:

Но, според коментарите до видеото, на сите им паѓа во очи состојбата на музичарот, кој не изгледа дека е трезен во моментот кога се сретнал со обожавателките.

„Не изгледа добро, како да се бори“;

„Погледнете му ги очите... Се гледа дека не е трезен“;

„Се гледа дека не е при себе“ – стои во дел од коментарите.

Погледнете уште видеа што се споделуваат на Твитер од неговата дружба со обожавателите:

Прочитајте и Дeтали за долгата битка со зависност од дрога и алкохол на Лиам Пејн, пред трагичната смрт на 31 година

Б. С. Б. | Црнобело