Сопругот на Серена Вилијамс емотивен по операцијата за рак на тироида: „Мажи, одете на преглед, особено ако сте татковци“

Детали

недела, 01 декември 2024

„Мајка ми имаше рак на дојка кога беше на моја возраст, а потоа почина од рак на мозокот. Ја мразам болеста“, пишува 41-годишниот сопруг на Серена Вилијам во емотивна Инстаграм објава.

Ракот на тироидната жлезда е трипати почест кај жените отколку кај мажите.

Најчесто е дијагностициран кај жени во 40-тите и 50-тите години од животот, додека кај мажите обично се дијагностицира во 60-тите и 70-тите години од животот.

Денес шансите за закрепнување од ракот на тироида се особено високи, а терапијата вклучува операција, хемотерапија, хормонална терапија...

Иако ракот е многу почест кај жените, може да се јави и кај мажи, и тоа на која било возраст.

А, неодамна сопругот на тенисерката Серена Вилијамс, кој воедно е и основачот на Редит, откри дека и самиот се соочил со болеста.

41-годишниот Алексис Оханиан сподели фотка од болница, како и две фотки со ќерките на возраст од седум и една година.

Во емотивната објава, тој откри дека му била направена операција за отстранување на дел од тироидната жлезда.

Тој се присетува и на неговата мајка која починала од рак.

„По следењето на сомнителни јазли во мојата тироидна жлезда изминативе четири години, неодамна половина од тироидата ми беше хируршки отстранета.

Јазлите стануваа поголеми, а последната биопсија покажа дека најверојатно ќе станат канцерогени.

Мајка ми имаше рак на дојка кога беше на моја возраст (41) и потоа умре од рак на мозокот, околу една деценија подоцна.

Го мразам ракот.

Не планирав да оставам ништо на случајноста.

Операцијата помина добро и овој Ден на благодарноста сум особено благодарен бидејќи утрово ми кажаа дека отстранетиот дел од тироидната жлезда навистина имал лоши јазли кои сигурно ќе станеле рак.

Искрено, најлошото е што изминативе две недели не можам да вежбам (со тегови), но следната недела ќе се вратам на вежбањето.

А, неделава ги однесов ќерките во Disney Word, па животот сепак е прекрасен.

До сите мажи – закажете преглед на лекар, особено ако сте татковци.

Среќен Ден на благодарноста на сите“.

Повеќе фотки од Алексис и сопругата Серена на следната страница...