Ријана како кадифено мече, Ели Голдинг завиткана во јорган – Бизарни аутфити на British Fashion Awards 2024 (фото)

Детали

вторник, 03 декември 2024

Додека аутфитот на Ријана го подели мислењето на јавноста, Џулија Фокс беше критикувана за разголениот фустан во кој не може ни да оди. Што носеа присутните на Британските модни награди 2024?

Синоќа (02.12) во Лондон се одржа годинешното издание на Британските модни награди односно British Fashion Awards.

Меѓу присутните имаше и неколку светски познати ѕвезди, како Ријана и Рита Ора.

Бидејќи станува збор за моден настан, нормално, присутните пробуваат да се прикажат во своето најдобро издание.

Но, додека некои изгледаат беспрекорно, повеќето сепак се само кич.

Аутфитот на Ријана, која е позната по впечатливиот стил, ги подели мислењата на јавноста.

36-годишната пејачка носеше црн корсет, во комбинација со сина крзнена наметка и огромен крзнен шешир.

Аутфитот го дополни со црни хулахопки, црни штикли и црни кожени ракавици.

Со неа беше саканиот Ејсап Роки, кој носеше темносин костум со широко палто и црвена вратоврска.

Ели Голдинг, пак, речиси и да не доби комплименти за изгледот.

Пејачката се појави во долг фустан како огромна јакна, кои некои го споредуваат и со јорган.

Рита Ора се појави со огромен машки костум и впечатлив накит, но и нејзиниот аутфит беше проследен со критики и опишуван како „кич“.

Со критики се соочи и Џулија Фокс, која носеше многу тесен фустан во кој не можеше ни да оди.

Фустанот беше проѕирен, па на социјалните мрежи беше критикувана за покажување премногу кожа.

Меѓу присутните беа и помалку познати модели, актери и музичари, а повеќето исто така беа критикувани за модниот избор. Но, секако, имаше и ѕвезди во елегантно издание кои изгледаа одлично.

Повеќе фотки од модата на настанот:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело