Кјара Ферањи има нов дечко по разводот – Кој е италијанскиот бизнисмен со кого разменува страсни бакнежи во јавност?

Детали

петок, 06 декември 2024

Се запознале на Ибица летово, а неодамна беа на заедничко патување во Рим, каде јавно разменуваа страсни бакнежи и шетаа фатени за рака - кој е богатиот италијански наследник кој го освои срцето на инфлуенсерката Кјара Ферањи, по разводот од раперот Федез?

На почетокот на 2024 осамна информација дека навидум складниот и среќен италијански пар Кјара Ферањи и Федез, се разведуваат.

Наводно раперот одлучил да го напушти семејниот дом, по кризите кои ги доживеале од меѓусебното незадоволство заради скандалите во кои беа вклучени.

Прочитајте повеќе: Се разведува инфлуенсерката Кјара Ферањи: И сопругот бега од нејзините правни скандали

Во последните години тие поминаа низ тежок период, откако на Федез му беше откриен тумор на панкреасот и имаше операција, но иако се чинеше дека ги надминале предизвиците, сепак се разделија.

Сега, Кјара ужива во љубовта со нов дечко, а италијанските медиуми постојано објавуваат папарацо фотки од нив и споделуваат информации кои ги добиваат од тајни извори.

Станува збор за Џовани Тронкети Провера, италијански претприемач и менаџер, кој е познат по својата работа во телекомуникацискиот сектор, но и како Извршен потпретседател во Pirelli, една од најпознатите компании за гуми во светот.

Според италијанските медиуми, тој е син на поранешниот претседател на Telecom Italia, Марко Тронкети, а неговата мајка Сесилија, е наследничка на основачот на Pirelli, Џовани Батиста Пирели.

За разлика од бившиот сопруг на Кјара, кој беше рапер со впечатлив стил, многу тетоважи и скандалозни потези во јавност, нејзиниот нов дечко е сериозен маж, кој имал лидерски улоги во повеќе компании, а доаѓа од семејство кое го цени угледот.

Иако никој од нив не ги потврдил гласините, тие повеќепати се уловени како шетаат заедно фатени за рака, но и додека разменуваат страсни бакнежи.

Италијанскиот магазин Chi, пишува дека тие се запознале во август 2024 на Ибица, а првото заедничко појавување во јавност им е на крајот од октомври.

Во ноември годинава тие беа на заедничко патување во Рим, а извори блиски до италијанските медиуми тврдат дека парот одел на заеднички ручеци и спиеле во луксузен хотел. 

На Инстаграм профилот на магазинот е објавено видео составено од повеќе ексклузивни фотки од нивното заедничко патување, кликнете за да го видите: 

Сепак, на Инстаграм објавата на Кјара од Рим, нема „траги“ од Џовани, но наводно се подготвува за првиот заеднички Божиќ со него и децата. 

М. М. | Црнобело