Тајните на Меланија Трамп за фит тело и беспрекорен изглед на 54 години

Детали

сабота, 01 февруари 2025

Завршува домашни активности со тегови на нозете, денот го започнува со смути или овошна каша, јаде здрави намирници кои помагаат за блескава кожа - што прави Меланија Трамп за да изгледа како да не старее и да биде во топ форма во секое модно издание?

Меланија Трамп е прва дама на САД по вторпат, а таа изгледа како воопшто да не се променила во изминатите неколку години кои ги помина подалеку од очите на јавноста.

Каде и да се појави таа модно доминира и остава впечаток како да го открила еликсирот за вечна младост, иако во една прилика пред една деценија открила дека не сака ботокс и нема ништо вештачко на неа, бидејќи сака грациозно и природно стареење. 

2000-та / 2020-та / 2025-та година

Сопругата на Доналд Трамп ретко го изнесува приватниот живот во јавност, но низ годините неколкупати има зборувано за медиумите и има споделено некои навики на социјалните мрежи. 

Во продолжение погледнете неколку тајни кои ја одржуваат во форма, покрај добрата генетика: 

Обожава пилатес и вежби кои може да ги прави од дома

Практикува едноставни активности во секојдневието, како движење низ дома со тегови на глуждовите

Сака да игра тенис, а на приватниот имот на Флорида имаат 5 тениски игралишта

Денот го започнува со овесна каша или смути со состојки кои се добри за кожата како банана, боровинки, ленено семе, витамин Д и омега-3

Практикува во текот на денот да изеде 7 парчиња овошје, а се држи до постојана здрава исхрана со зеленчук и овошје

„Не држам диети, само се хранам здраво, затоа што така се чувствувам подобро и имам повеќе енергија“ – изјавила одамна Меланија.

Не си скратува задоволства, а има признаено дека понекогаш сака да се напие диетална Coca-Cola или да земе ред чоколадо

Блескавата кожа се должи на витамини и козметика со кислород, редовно миење лице и долг и квалитетен сон

Наоѓа време за нега за себе и има изјавено: „Кога се грижиш за себе, можеш да се грижиш и за другите“

М. М. | Црнобело