„Сирот, му треба помош“ – Џастин Бибер со зашеметен поглед и вознемирувачко видео ги загрижи фановите и докторите

Детали

среда, 02 април 2025

„Ова е повик за помош, ова не е нормалниот Џастин“ - велат докторите за вознемирувачкото видео кое Бибер го објави, на кое очите му се вдлабнати, испиени, има зашеметен поглед и се однесува загрижувачки, а фановите се молат за него. Тој објави и низа чудни фотки со турбани и ќебе врз глава.

Веќе подолг период, фановите на Џастин Бибер се загрижени за него, со оглед на тоа што месециве секое негово појавување во јавност е мизерно.

Многумина се посомневаа дека користи опојни супстанци и дека воопшто не е добар со менталното здравје, а тоа влијае и на бракот со Хејли, кој очигледно е разнишан, а другарките наводно ја молат да го остави.

Сепак, по сите шпекулации, тој неодамна се огласи преку портпарол дека е добар и дека не се дрогира.

Прочитајте повеќе: „Не се дрогирам, не се разведувам, среќен сум“: Џастин Бибер се огласи по бизарното видео, фановите не му веруваат

Но, најновото видео во живо, кое го објави на социјалните мрежи, покажа дека изјавата воопшто не е точна и дека очигледно му е потребна сериозна помош.

На видеото тој е без маица, очите му се полузатворени, вдлабнати и има зашеметен поглед, а однесувањето додека рапува му е загрижувачко и вознемирувачко.

Снимката брзо стана вирална, а фановите уште веднаш коментираа и ја покажаа својата загриженост:

„Не може повеќе да негира, сирот дечко, му треба помош“.

„Загрижувачко е. Се надевам ќе добие професионална помош. Ова е тажно“.

„Срцето ми се крши за него. Се молам да закрепне“.

Кликнете за да го погледнете видеото:

Во истиот период, неколку дена тој објавуваше чудни фотографии и видеа од себе, а многумина забележаа дека неговата сопруга Хејли го отследила од Инстаграм, но подоцна таа се огласи и кажа дека настанала некоја грешка со апликацијата, па сега повторно го следи.

Освен фановите, за него се загрижени и доктори, кои за DailyMail ја коментираат неговата состојба:

„Од она што го гледаме во видеото, Џастин изгледа несредено, изморено и веројатно не во добра ментална состојба. Нормално е луѓето да се загрижени“ – вели психотерапевтот Џонатан Алперт, кој смета дека пејачот е физички и емоционално исцрпен.

„Знаете, ова изгледа како повик за помош. Изгледа како да е во многу поразлична состојба од нормалниот Џастин кој сите го знаеме. Изгледа постаро и позрело, но изгледа минува низ многу работи. Изморен е и сигурно се соочува со недостаток на квалитетен сон и исхрана“ – изјавил доктор Гаурав Барти, пластичен хирург.

М. М. | Црнобело