Ванеса Брајант се огласи за гласините дека очекува дете, 5 години по смртта на сопругот Коби

Детали

среда, 04 јуни 2025

Не е познато кој ги започна гласините, но на социјалните мрежи, особено ТикТок, деновиве се зборува дека Ванеса Брајант очекувала дете со „нејзиниот нов 27-годишен дечко“. Сопругата на покојниот Коби Брајант се огласи за озборувањата и доби поддршка од фановите кои сметаат дека јавноста треба да ја почитува нејзината приватност.

По трагичната смрт на Коби Брајант во 2020 година, Ванеса Брајант немала нов партнер, барем во јавност.

Сепак, деновиве почнаа да се шират шпекулации дека не само што има дечко, туку и дека е бремена.

Не е познато од каде точно потекнуваат гласините, но тоа што нема никаков доказ за тврдењата дека е бремена, не ја спречи јавноста да шпекулира.

Озборувањата главно се споделуваат на ТикТок.

Конечно, 43-годишната Ванеса реши да ги замолчи гласините, со по малку комична објава на инстаграм.

На Инстаграм Стори, таа сподели фотка од Ријана која веќе се користи како меме. На фотката, Ријана е во вода со маска за нуркање, држи чаша со пијалак во едната рака, а со другата покажува среден прст кон камерата.

Во описот, пак пишува:

„Јас додека си го штитам мојот мир, не сум бремена и се забавувам цело лето“.

За потсетување, Ванеса доби четири деца со покојниот кошаркар – Наталија, Бјанка, Капри и Џијана која загина со татко ѝ во хеликоптерската несреќа.

Оние што ги ширеа шпекулациите за бременоста, тврдеа дека таа очекува петто дете со „нејзиниот нов 27-годишен дечко“.

Многу луѓе ги осудуваат оние кои ги шират озборувањата, па ги опишуваат и како невкусни, особено кога ќе се земе предвид дека изминативе пет години, Ванеса го дава најдоброто од себе да го зачува наследството на покојниот сопруг.

Таа продолжи со неговата филантропска работа, собира храброст да се појавува на настани и ги издржува своите ќерки.

На почетокот од мај, Ванеса откри дека ќерка ѝ Наталија дипломирала на Универзитетот во Јужна Калифорнија, со сите почести, а дипломата ѝ беше врачена од сопственикот на Lakers – тимот за кој играше Коби.

Гордата мајка сподели неколку фотки на Инстаграм и доби честитки од низа славни личности, како Клои Кардашијан и Џесика Алба.

Засега, главниот фокус на Ванеса се нејзините ќерки, додека не открива никакви детали од приватниот живот, а јавноста смета дека треба да се почитува оваа нејзина желба и да не се шират „бесмислени озборувања“, како гласините за бременост.

Спирова С. | Црнобело