Се ожени со келнерка, сите го исмејуваа: Љубовната приказна на Николас Кејџ и 20 години помладата Алис Ким

Детали

понеделник, 09 јуни 2025

Во 2004 година Николас Кејџ стана цел на потсмев во Холивуд поради неговиот избор на сопруга - но оваа „филмска романса во реалниот живот“ беше сè освен површна.

Николас Кејџ е познат по бројните љубовни афери, романси и неколку пропаднати бракови.

Еден од оние бракови на Кејџ кои не издржаа, е и оној со Алис Ким, во кој никој не веруваше, но сепак траеше повеќе од една деценија.

Во 2004 година, додека вечерал во суши ресторан во Лос Анџелес, холивудскиот оскаровец (во тоа време на врвот на својата кариера), ја запознал Алис Ким - скромна келнерка со корејско-американско потекло.

Иако била 20 години помлада од него и живеела далеку од светот на гламурот и славата на Кејџ, меѓу нив веднаш почнала да се јавува привлечност.

А таа била толку голема, што по само два месеца врска, актерот ја запросил.

Ова бил вистински шок за јавноста, но тие сепак успеале да направат свадба во тајност, далеку од папараците.

И иако го исмејуваа, Кејџ никогаш не обрнал внимание на коментарите дека „се оженил со келнерка“.

Алис по свадбата почна да го придружува на премиерите, учествуваше во неговите проекти (се појави во мала улога во филмот Next во 2007 година) и секогаш беше покрај него во турбулентните моменти од неговата кариера - и кога брилјираше на филмското платно и кога неговите улоги беа наречени „фијаско“ и имаше финансиски проблеми.

„Таа беше моја поддршка кога бев во најлоша состојба“ - рекол Кејџ во неколку интервјуа.

Нивната љубов траеше долги 12 години, што за стандардите на Холивуд е многу, дури и љубовно чудо.

Парот го има синот, Кал-Ел, а името го доби по вистинското име на Супермен од стриповите, бидејќи Кејџ е голем обожавател на поп-културата.

Нивниот бракот заврши во 2016 година, но Кејџ и денес зборува со почит за Алис, нагласувајќи дека таа била „некоја што го разбирала подобро од кој било друг“.

А. Ј. | Црнобело / фото: Pinterest.com