Имал афери со мажи, добил 11 деца од неколку жени: Бурниот љубовен живот на Марлон Брандо

Афера со Џеки Колинс

Актерката и писателка Џеки Колинс самата има изјавено дека имала кратка врска со Марлон Брандо, и тоа кога актерот имал 29, а таа само 15 години.

Според нејзините изјави, се запознале на забава, а нивната врска создала раздор во нејзиниот однос со сестра ѝ Џоан Колинс бидејќи, наводно, и таа спиела со Марлон.

Бурна врска со Рита Морено

Врската на Марлон и Рита Морено траела осум години, а таа самата има изјавено дека била многу токсична.

Таа останала бремена од него, и Марлон ја присилил да абортира. Покрај тоа, во периодот кога се гледале, тој двапати се оженил и развел, па Рита почнала афера со Елвис Присли само за да му се одмазди.

Имал необични навики во кревет

Хајди Флејс се прослави откако беше уапсена за нејзиниот „елитен бордел“ во Холивуд, а има изјавено дека неколкупати била со Марлон Брандо.

Тогаш актерот веќе ја газел осмата деценија во животот, а за една од нивните средби Хајди изјави:

„Марлон, без сомнение, е најсекси и најдебелиот маж со којшто сум спиела. Бев кај него дома една недела пред да ме испратат во затвор и тоа беа најисцрпувачките, но и најубавите осум часа од мојот живот.

Но, имаше детаљ што не ми се допаѓаше – имаше чудна навика да јаде грозје додека имавме секс“.

Наводно имал афера со Џејмс Дин

Според двајца биографи, Марлон Брандо имал афера со Џејмс Дин која вклучувала и садо-мазо игри.

Според нив, Марлон бил доминантниот партнер, додека Џејмс навистина бил вљубен во него. Сепак, Марлон не бил заинтересиран за љубов, туку му било забавно што може да го контролира познатиот актер.

Прочитајте и: Сакал да се прејадува, одбивал анестезија за операција: Факти за Марлон Брандo, најчудниот холивудски актер

Спирова С. | Црнобело