Бурната врска на Мел Гибсон и Оксана, што речиси му ја уништи кариерата: Ја тепал, се плашела дека ќе ја убие

Детали

недела, 06 јули 2025

Мел Гибсон и Оксана Григориева беа заедно помалку од три години, но ова беше доволно да станат еден од најконтроверзните парови. Актерот бил насилен, а Оксана успеа да го докаже ова, па неколку години беше неизвесно дали Мел Гибсон ќе успее да опстане во Холивуд бидејќи никој не сакаше да работи со него.

Една од поконтроверзните врски од светот на шоубизнисот е онаа на Мел Гибсон и Оксана Григориева.

Актерот, за кого скандалите не се ништо ново, наводно бил и насилен кон Оксана, а за нивната бурна разделба се зборуваше навистина долго.

Мел Гибсон и руската пејачка и пијанистка беа заедно едвај три години, но овој период беше доволен за да останат запомнети како еден од најконтроверзните парови.

Што знаеме за бурната врска на Мел Гибсон и Оксана Григориева?

Во 2009-та, Мел Гибсон се разведуваше од сопругата Робин Мур по скоро 30 години брак.

Дотогаш веќе имаше гласини дека се гледал со Оксана, но првпат се појавија заедно во периодот кога актерот го финализираше разводот.

Истата година, 2009-та, тие добија и ќерка – Лусија.

Но, веќе следната година се разделија, а Оксана побара забрана за приближување за Мел бидејќи бил физички насилен. Според Оксана, тој ѝ имал удрено бокс неколкупати, а еднаш дури ѝ скршил и заб.

Според пријателка на Оксана, на почетокот таа навистина го сакала актерот, но ѝ станало јасно дека мора да се оттргне од него откако сфатила „каква личност е и за што е способен“.

Оксана, пак, имаше изјавено дека се плашела дека ќе ја убие.  Па, Мел Гибсон доби забрана да ѝ се приближи на Оксана, но и на нивната ќерка.

По ова, актерот се огласи за забраната.

„Еднаш ѝ удрив шлаканица на Оксана за да пробам да ја вратам во реалноста. Не ја удрив силно. Само сакав да ја шокирам за да престане да вика и да престане да ја тресе ќерка ни“.

Со пријавата на Оксана, почна истрага за семејно насилство против актерот, а во меѓувреме двајцата се бореа и за старателство над нивната ќерка.

Но, на интернет се појавија шест аудиоснимки од телефонски разговори кои ги потврдија тврдењата на Оксана.

Продолжува на следната страница...