Бурната врска на Мел Гибсон и Оксана, што речиси му ја уништи кариерата: Ја тепал, се плашела дека ќе ја убие

На аудиоснимките, актерот ја навредува Оксана, користи и расистички и понижувачки зборови, а некогаш и ѝ се заканува.

Оксана самата ги снимала телефонските разговори со актерот, со цел да има доказ за неговото насилно однесување.

Истовремено, беа објавени и мејлови во кои актерот се обидувал да го спречи протекувањето на снимките. Наводно, понудил да ѝ плати дури 15 милиони долари на Оксана за снимките да не допрат до јавност, но таа го одбила.

Поради сите докази, актерот доби тригодишна условна казна, задолжително советување и општокорисна работа.

Но, и неговата креира претрпе удар – неговата репутација беше уништена, беше јавно критикуван од некои колеги и медиумите, филмските студија се дистанцираа од него и неколку години му беше особено тешко да најде работа.

Во 2011 година, Оксана реши да ги повлече обвиненијата за семејно насилство и неколку месеци подоцна тие направија и спогодба за старателството.

Се договорија ќерка им да живее со Оксана, но сепак да имаат заедничко старателство.

Таа доби 750.000 долари, како и куќа од актерот во која може да живее додека ќерка им да наполни 18 години. Потоа, се договориле куќата да биде препишана на девојчето.

Меѓутоа актерот и пејачката имале и договор таа да не зборува јавно за нивната врска.

Но, во 2013 година, Оксана се појави во шоуто на Хауард Стерн каде што го спомна актерот.

Најпрво, водителот ѝ рече:

„Секој кој поминал низ истото како ти, мора да има надеж, бидејќи тоа е единствениот начин. Мора да гледа напред“.

На ова, Оксана одговори:

„Знаеш што? Треба да го прифатиш твоето искуство и не е важно колку болно може да биде, надежно ќе научиш нешто од тоа“.

Иако Оксана никаде не го спомнува актерот ниту, пак, открива што се случувало меѓу нив, сепак беше казнета, па наместо 750.000 долари, доби половина од сумата што требаше да ѝ ја даде актерот.

По целата драма, Оксана се повлече од јавноста и наводно веќе нема никаков контакт со актерот, освен кога е во прашање нивната ќерка.

Прочитајте и: Направил дете со друга додека бил во брак, тужен за насилство – како жените му го „земаа“ богатството на Мел Гибсон?

Спирова С. | Црнобело