Наши и светски познати дами кои зборуваа за нивната битка со рак на дојка

Оливија Њутн Џон

Ѕвездата од Grease првпат добила дијагноза во 1992 година. Тогаш ѝ била направена мастектомија и цела година одела на хемотерапија.

Во 2013 година, болеста се вратила и таа повторно успеала да се избори, но овој пат јавноста не знаеше за нејзината битка.

Во 2017-та, Џулија третпат се соочила со болеста, но сега ракот се проширил и на нејзините коски. Дури тогаш таа ја откри дијагнозата од 2013-та.

Оливија почина во 2022-ра, на 73-годишна возраст, но се бореше до последно, отворено зборуваше за болеста, но и собираше донации за истражувања и други заболени.

Кристина Еплгејт

Кристина Еплгејт била дијагностицирана со рак во 2008 година.

Иако ракот бил само на едната дојка, таа направила двојна мастектомија бидејќи мајка ѝ двапати ја имала болеста.

Оттогаш ракот е во ремисија, но Кристина доби дијагноза и за мултипла склероза.

Шерил Кроу

Само неколку недели откако ја раскина свршувачката со Ленс Армстронг во 2006-та, Шерил Кроу добила дијагноза за рак на дојка.

Болеста била забележана во рана фаза, па Шерил се излечи со операција за отстранување на туморот од дојката, како и со радијација.

Оттогаш, Шерил честопати ја користи својата популарност за ја да зголеми свесноста од редовните прегледи кои можат да значат и живот, како во нејзината ситуација.

Весна Петрушевска

Весна Петрушевска откри дека има рак на дојка во септември 2024 година, а тогаш сподели дека направила и операции.

Водителката има споделено и фотографија од лузната од мастектомијата, а неодамна откри дека уште се бори со болеста.

Во емотивна објава на Инстаграм Стори, Весна сподели дека се подготвува за четврта по ред операција.

Кајли Миног

Најпрво Кајли добила погрешна дијагноза, но во 2005-та одложи цела турнеја за третман за рак на дојката.

Додека се бореше со болеста, Кајли не споделуваше многу детали, но откако се излекува, изјави дека целото искуство ја претворило во друга личност.

Спирова С. | Црнобело