Ја изневерил со Блејк, уште е опседнат со неа: Чудни детали за бракот на Рајан Рејнолдс и Скарлет Јохансон

Детали

недела, 12 октомври 2025

Постои верување дека Рајан Рејнолдс ја изневерил Скарлет со сегашната сопруга, па таа затоа го оставила. Некои пак шпекулираат дека актерот уште е опседнат со неа бидејќи бил „нарцис“ и не можел да се помири дека таа е успешна и среќна без него.

Рајан Рејнолдс и Блејк Лајвли се еден од најпознатите парови во светот, без разлика што периодов како да си ја уништија репутацијата.

Но, многумина имаат заборавено дека Рајан беше во брак со друга мошне популарна актерка – Скарлет Јохансон.

Што знаеме за нивниот краток и чуден брак?

Пробуваа да скријат детали за врската

Пред да ја почне врската со Скарлет Јохансон, Рајан Рејнолдс беше свршен со Аланис Морисет. Но, по четири години врска и година и пол од свршувачката, тие се разделија.

Истата година, тој почна врска со Скарлет Јохансон.

Не е познато каде се запознале, ниту кога почнале да се гледаат, бидејќи и двајцата немаат откриено ништо.

Гласините дека се пар почнаа кратко по разделбата на Рајан и Аланис, па некои шпекулираа дека можеби имале и афера. Сепак, ништо од ова не е потврдено.

Се венчаа само една година подоцна

Во 2008-ма, Рајан и Скарлет официјално потврдија дека се свршиле. Но, повторно не открија никакви детали за свршувачката.

Истата година, тие направија и тајна венчавка во Канада, а меѓу гостите биле само најблиските пријатели и членови на семејството.

Иако Рајан претходно беше свршен, и за двајцата актери, ова беше прв брак.

Издржаа само две години заедно

До 2010 година, веќе се ширеа гласини дека бракот на Рајан и Скарлет се распаѓа.

Па, на крајот на годината, тие најавија дека се разведуваат.

„По долго и внимателно размислување, одлучивме да ставиме крај на нашиот брак. Ја почнавме врската со љубов, и се разделуваме со љубов и добрина.

Иако не очекуваме да ја почитувате нашата приватност, ќе ни значи ако го направите тоа“.

Актерите не открија ништо за разделбата, а но следната година Рајан изјави дека никогаш повеќе не сака да се венча.

Тогаш и Скарлет зборуваше за разделбата во интервју:

„Врските се комплицирани. Мислам дека не бев свесна за сите подеми и падови. Не бев подготвена да вложам труд“.

Продолжува на следната страница...