Кели Озборн со „испиено“ лице, доби критики дека претерала со Оземпик: „Сурови сте“, им врати таа

Детали

вторник, 03 март 2026

„Ме клоцате додека сум падната, се сомневате во мојата болка. Моментално минувам низ најтешкиот период во мојот живот. Не треба ни да се бранам. Но, нема да седам тука и да дозволам да бидам дехуманизирана на таков начин,“ напишала Кели Озборн, откако почнаа јавните критки за сметка на нејзиниот изглед. 

Пејачката и ријалити ѕвезда, Кели Озборн, се појави на доделувањето на наградите Brit Awards во Лондон послаба од било кога.

Таа дојде во придружба на својата мајка Шерон, за да ја земат наградата посхумно доделена на Ози Озборн.

Но, јавноста беше изненадена од изгледот на Кели (41) и нејзината тенка става, но и „испиеното“ лице.

Нејзините образи се впиени навнатре, но линијата под јаболчиците е дополнително истакната со шминка, поради што таа изгледа уште послабо од она што е навистина.

По ова тргнаа критиките на нејзина сметка - дека претерала со Оземпик (исто како и мајка ѝ), дека личи на дух, дека е страшна.

Кели сепак реши да не им остане должна на критичарите.

„Постои посебен вид на суровост кога повредувате некој што очигледно минува низ нешто.

Ме клоцате додека сум падната, се сомневате во мојата болка, ја ширите мојата борба како озборување и ми го вртите грбот кога најмногу ми требаат поддршка и љубов.

Ништо од ова не докажува сила; само открива длабоко отсуство на сочувство и карактер.

Моментално минувам низ најтешкиот период во мојот живот. Не треба ни да се бранам.

Но, нема да седам тука и да дозволам да бидам дехуманизирана на таков начин,“ напишала Кели на Инстаграм Стори.

Нејзиниот изглед стана тема на озборување уште на почетокот на годината, кога исто така, во придружба на мајка ѝ дојде на јавен настан, претерано ослабена.

Таа тврди дека причината за ова не е Оземпик, туку тагата и болката по починатиот татко, Ози Озборн.

А. Ј. | Црнобело