Тон емоции: Вин Дизел со солзи одржа говор за Пол Вокер на Кански фестивал, па ја прегрна ќерката на починатиот актер (видео)

Детали

четврток, 14 мај 2026

„Посакувам во животот да имате брат како Пол... На почеток, не беше во сценариото дека русокосиот и синоок дечко ќе ми стане како брат...“ – вели со паузи и солзи во очи Вин Дизел во емотивниот говор за прерано загинатиот актер Пол Вокер, а потоа ја прегнува ќерката на Пол, која брише солзи и открива што му кажала таа пред настанот.

На Канскиот фестивал 2026, вчеравечер се прикажуваше „The Fast and the Furious“, филм кој по 25 години беше оценет како класик и постигна голем комерцијален успех како акционен серијал, а на црвениот тепих се појавија ѕвездите на филмот, заедно со ќерката на Пол Вокер, Медоу. 

Вин Дизел одржа говор во кој не можеше да си ги задржи емоциите, а зборуваше за својот пријател и колега, актерот Пол Вокер, кој во 2013-та трагично и прерано го загуби животот во сообраќајна несреќа.

„Посакувам, сите во животот да имате брат како Пол. Не беше во сценариото дека овој русокос, синоок дечко, ќе ми биде како брат...“ – рече тој откако си зема момент за да се соземе и да се обрати пред толпата во театарот.

„По секоја премиера, тој ќе седнеше до мене и никој друг не смееше да биде околу нас. Тој не сакаше да биде со никој друг. Ќе шеташе со мене и ќе ми шепнеше на уво ‘најдобриот уште не дошол’.

За мене е многу тешко да го гледам филмот, бидејќи има многу моменти што јас ги гледам поразлично. Во сцената која ја гледате, јас го гледам моментот кога Пабло ми кажа дека има 1-годишна ќерка.

Ова е филм во кој беше претставено братството во нашиот милениум, од мене и од мојот брат Пабло.

А личноста која не ми дозволи да дојдам сам да го претставувам тоа братство овде, е неговата ќерка Медоу Вокер“ – рече Дизел, а Пабло е прекарот со кој долго време му се обраќал на својот пријател Пол.

Погледнете видео со дел од говорот на Вин Дизел:

Негова поддршка на настанот беше ќерката на Пол, како и колешките Џордана Брустер и Мишел Родригез, кои бришеа солзи за време на неговиот емотивен говор, а на крај тој откри што му кажала Медоу пред настанот:

„Ми рече: ‘Јас имам 27 години и го гледам филмот што татко ми го направил на 27 години’.

И си помислив, колку длабоко... Сакам да ви кажам дека Медоу е извор на сила и знам колку би бил тој горд на себе“, па се прегрнаа.

Погледнете го емотивниот момент и 4-минутните стоечки овации:

М. М. | Црнобело