Се чувствувала како „грда жена“ со него, тој доби дете од друга кога беа заедно: Детали за врската на Кристијано Роналдо и Ирина Шајк

Кон крајот на 2014 година, Кристијано сакал да организира голема роденденска забава за 60-тиот роденден на мајка му.

Забавата требало да се одржи во Мадеира и, нормално, сакал да дојде и Ирина.

Овој период, Ирина и Кристијано само што се вратиле од Дубаи, каде што го прославиле католичкиот Божиќ.

Но, Ирина не сакала да оди и во Португалија, па избувнала огромна караница и, наводно, Кристијано бил толку гневен, што сам ја дочекал Нова година само во друштво на неговиот син.

Одбивањето на Ирина се претворило во цела драма, па се вклучила и мајката на фудбалерот.

Според некои извори, таа никогаш не ја сакала Ирина и сметала дека нема да биде добра мајка за детето на фудбалерот.

Ова уште толку го заладило односот меѓу фудбалерот и моделот.

Набрзо потоа, почна да станува јасно дека се разделиле – Ирина го отследи од Твитер, а не се појави и на настан каде што фудбалерот добиваше наградата. Тој, пак, не ја ни спомна неа во говорот.

Конечно, во јануари 2015-та, тие потврдија дека се разделиле.

„По пет години, на мојата врска со Ирина Шајк ѝ дојде крајот. Верувавме дека за двајцата е најдобро да се разделиме. На Ирина ѝ ја посакувам целата среќа“, сподели фудбалерот.

По официјалното раскинување, се огласи портпаролот на Ирина Шајк кој тврдеше дека караницата со мајка му не се ни случила:

„Ирина беше блиска со неговото семејство додека беа заедно. Сите негативни гласини се лажни и не се причина за разделбата. Ирина повеќе не сака да ја коментира ситуацијата“.

Ирина се огласи за врската дури една година подоцна и како да навести дека раскинале бидејќи фудбалерот ја изневерувал.

Таа сподели и дека покрај него се чувствувала како „грда и несигурна жена“.

„Ако сте во врска, треба да биде добра. Во спротивно, ставете крај. Врските се тешки и треба да бидете сигурни каков маж сакате покрај себе, какви се неговите вредности, што ви е важно во животот.

И двајцата треба да го делите истото мислење за тоа што значи една врска и да ја имате истата енергија за да создадете моногамна врска“.

Очигледно, Ирина била многу гневна на фудбалерот и една година по разделбата, бидејќи на нејзините Инстаграм следбеници им порача да ја отследат ако ја знаеле само како „бившата на Кристијано Роналдо“.

По оваа изјава, Ирина изгуби дури 11 милиони следбеници преку ноќ – повеќе од 70% од вкупниот тогашен број.

Набрзо потоа, Ирина го запозна Бредли Купер со кој доби ќерка, додека Роналдо ја почна врската со Џорџина Родригез.

Спирова С. | Црнобело