Нова тужба за Кајли Џенер: Поранешна лична готвачка доживеала спонтан абортус поради малтретирањето

Жената ги известила нејзините надредени за спонтаниот абортус, но тогаш тие ја обвиниле дека по роденденската прослава оставила хаос во кујната и фрижидерот – нешто што не било точно.

Неколку денови подоцна, жената имала и пообилно крвавење, а според тужбата, се соочила со депресија поради спонтаниот абортус.

Но, наместо да добие соодветна помош, нејзините наредени рекле:

„Престани, ја правиш Кајли депресивна“.

Сега жената бара оштета од Кајли и вели дека покрај траумата што ја преживеала, не била платена за прекувремената работа, како и дека била избркана без причина.

Годинава, ова е третата тужба од поранешен вработен со која се соочува Кајли.

Во април Кајли беше тужена од поранешна куќна помошничка која тврди дека била неправедно избркана, како и дека била жртва на дискриминација и заплашување.

Токсичната работна околина кај неа резултирала со симптоми на пострауматично стресно нарушување.

Истиот месец уште една куќна помошничка ја тужеше Кајли.

Таа се соочувала со малтретирање од другите вработени, а кога побарала помош од Кајли, ѝ било наредено никогаш повеќе да не ѝ прозборе, ниту да ја погледне бидејќи во спротивно ќе била избркана.

Засега Кајли се нема огласено за тужбите.

Спирова С. | Црнобело