Чудни третмани за убавина кои ѕвездите ги практикуваат

Детали

четврток, 09 мај 2013

Секогаш кога ги гледаме изгледаат беспрекорно, речиси совршено. Ниту еднаш не се појавиле во лошо издание, без мазна кожа или сјајна коса. Се прашувате како го постигнуваат тој ефект?

Еве неколку чудни, а сепак луксузни третмани за убавина.

Ким Кардашијан не подлегнала под нож, но сепак изгледаше ужасно кога објави фотографија од Вампирскиот третман на лице. Третманот вклучува земање крв од подлактиците, а по одредена процедура, повторно вбризгување во лицето. Овој болен третман чини околу $1.500 долари.

Мила Кунис беше во центарот на вниманието откако отиде на третман за лице со дијаманти и рубини за кој платила точно $7.000 долари. Драгоцените камења се богати со антиоксиданси и на кожата и даваат посебен сјај. По ова следи и третман со свилени парафински влакна кои ја измазнуваат кожата и ја смируваат.

Плацентата е позната по тоа што го обновува ткивото и позитивно влијае на регенерацијата на кожата, па веројатно затоа Ева Лонгорија, Викторија Бекам и Мадона изгледаат така младо. Плацентата се нанесува во форма на крема која може да ја купите за околу $300 долари. Не така скап, но делотворен третман.

Исто така, Викторија и Дејвид Бекам го практикуваат третманот за лице од измет од славеј кој се размачкува по цело лице. Никогаш не сте помислиле дека некој со толку пари може да прави нешто вакво? Сепак, ова е најголем хит помеѓу славните.

Анџелина Џоли сака да ужива во луксузот, па затоа за маникир и педикир секогаш користи кавијар во форма на крема која чини околу $700 долари.

Тука е и отровот од змии кои најчесто го користат Деми Мур и Гвинет Палтроу за да ја зачуваат својата кожа мазна и без брчки. Флашираниот змиски отров чини по 385 долари од тегла која е доволна за еден третман.