На кои песни славните го одиграа првиот брачен танц?

Детали

четврток, 10 октомври 2013

По судбоносното да, следи романтичниот и сензуален танц. Еве кои песни ги одбраа едни од најпознатите парови во светот на шоу бизнисот.

Бред Пит и Џенифер Анистон се одлучија за американскиот безвременски класик The Way You Look Tonight од Френк Синатра.

Животот на Ким Кардашијан и Крис Хамфри е полн со иронија. Нивниот прв танц се одвивал на песната Let’s Stay Together, но сепак беше еден од најкратките бракови во историјата кој заврши по само 72 дена.

Откако стана Војвотката од Кембриџ, Кејт Мидлтон танцуваше со нејзиниот принц Вилијам на Your Song која ја напишал Елтон Џон.

Доколку планирате да станете моќен политички пар, следете ги стапките на Мишел и Барак Обама. Прв пат како брачен пар танцувале на You and I на Стиви Вондер.

Дејвид и Викторија Бекам денес се сопственици на огромна империја, а нејзините почетоци започнале со песната It Had To Be You, во изведба на Стајлајт оркестарот.

Ако се доделуваат награди за најдобриот избор за свадбена песна, дефинитивно ќе им припадне на Бијонсе и Џеј Зи. Нивната прва соработка и почетокот на романсата беше снимањето на песната Crazy in Love, која подоцна стана нивната свадбена мелодија.

Со оваа песна го означија почетокот на брачниот живот, кој барем до сега, е еден од најстабилните во светот на шоу бизнисот.