CNN случајно откри кој ќе го добие оскарот за најдобар актер?

Детали

вторник, 11 февруари 2014

Вчера на CCN е прикажан краток прилог за подготовката на церемонијата за Оскарите во кој се претставувала работата зад сцената, односно изработката на златните статуетки и плочките со имињата на добитниците.

Еден од гледачите забележал дека на плочката што ја покажале пред камерите стоело изгравирано името на Леонардо ди Каприо и тоа го споделил на својот Твитер профил.

Доволно за да се крене голема фама, со оглед на тоа што тој досега го нема ниту еднаш добиено Оскарот.

Големата радост на фановите на Ди Каприо за оваа вест веднаш се прошири на социјалните мрежи.

Но, за кратко од CNN дале објаснување дека тие ги изработуваат сите плочки со можните добитници за веднаш на самата церемонија да бидат ставени на статуетката.

Инаку гласањето трае до 25. февруари, така што не може ниту да се знае претходно.

Дали навистина ова може да биде некаква најава за долгоочекуваниот оскар на Леонардо останува да видиме на 2 март, за кога е закажано официјалното доделување.