Даниел Кајмакоски и уште 4 ѕвезди од „Х-фактор“ на концертот на Пилоти во Скопје

Детали

вторник, 18 февруари 2014

„Балкан медија“ со гордост ви го најавува големиот спектакуларен концерт на најпопуларните учесници од музичкото шоу „Х-Фактор“.

На 14. март во спортскиот центар „Борис Трајковски“, легендарните Кики Лесендриќ и Пилоти заедно со ѕвездите од „Х-Фактор Адриа“ на концерт во Скопје.

Освен Кики и Пилоти во Скопје доаѓаат и шармантниот Лукијан Ивановиќ, неверојатната Тамара Милановиќ, финалистот со најубавата насмевка Алекса Перовиќ, неповторливите „Доктори“ и мега популарниот Даниел Кајмакоски.

Сите оние коишто овој 14. март ќе бидат во „Борис Трајковски“ ќе имаат неповторлива можност освен со Кики Лесендриќ и „Пилоти“ да се забавуваат и со финалистите во кои што се вљуби цел регион, да бидат дел и од настапот на ексклузивни гости коишто само ќе ја надополнат спектакуларната концертна атмосфера. 

Влезниците од утре ќе бидат пуштени во продажба на продажните места на „Купи карти за сè“ како и во стандардните продажни места низ Скопје и цела Македонија: „Пола Југотон“, цвеќара „Розе Веро 2“, „Камарад“ - Рамстор.

Цените на влезниците до 5. март се: трибина - 400 денари, партер - 350денари, фан пит - 700 денари и вип трибина - 1000 денари.