Што нè чека во последната сезона на Mad Men?

Детали

вторник, 25 март 2014

Mad Men ве замолува да ги исклучите мобилните телефони и да ги врзете појасите. Време е за полетување!

На 13 април премиерно ќе биде емитувана првата епизода од 7 сезона на култната серија Mad Men. Сезоната ќе има 14 епизоди, кои ќе бидат поделени во два дела. Првите 7 епизоди ќе почнат со емитување на 13 април 2014, а другите 7 на 13 април 2015.

Откако 6-та сезона заврши со нервниот пад на Дон Дрејпер, тој ја изгуби работата, но успеа да се смири со своите деца, сега време е да влеземе во едно ново поглавје од неговиот живот.

Дон и Меган веројатно ќе се разведат, но фотографијата како да ни навестува дека можеби Меган нема да биде подготвена да го пушти, можеби ќе се бори за него иако во 6 сезона таа побара развод. Додека, Дон изгледа како веќе да е помирен со нивната разделба. Но, кој не би се борел за некој кој изгледа како Дон Дрејпер.

На фотографија подолу ги имаме и Дон и Пеги. Пеги е втората најважна жена во неговиот живот. Таа и Дон се свртени во различни правци, што кореспондира со нивната разделба во 6 сезона. Пени разгледува наоколу, таа е подготвена да го напушти својот ментор и да започне своја кариера.

И Дон и Роџер се повторно на заеднички лет, додека стјуардесата ги послужува со пијалок, што навестува дека двајцата и покрај разидувањето во 6 сезона, повторно ќе бидат на иста страна.  

Сè до премиерата на првата епизода, погледнете ги тизерите за 7 сезона: