Болно слаби: Ѕвезди на кои добро би им дошол еден оброк

Детали

понеделник, 14 јули 2014

Ѕвездите во Холивуд како да се натпреваруваат кој ќе биде послаб. И додека повеќето славни дами изгледаат слабо, но здраво и природно, постојат и такви чија слабост се граничи со болест и анорексија.

Ова се ѕвездите од втората група, кои очајно имаат потреба од уште еден оброк плус:

Алекса Чанг - Неретко самата потврдува дека е премногу зафатена за да јаде. Иако многумина ја почитуваат заради неверојатно добриот моден вкус, во исто време и ја критикуваат за промоција на претераната слабост.

Рејчел Зои - Уште една екстремно слаба ѕвезда во светот на модата која е опседната со одржување на тежината. Затоа, по породувањето таа е на екстремна диета која се состои од кафе, јаткасти плодови и овошје кои не смеат да ја надминат бројката од 600 калории дневно.

Тара Рид - Веќе со години Тара Рид изгледа непријатно слабо. Порано беше синоним за девојка со облини, но откако јаде по само еден оброк дневно, сликата за оваа актерка се промени целосно.

Никол Ричи - Нејзината борба со анорексијата стана јавна битка која се одвива веќе неколку години. Оваа дизајнерка и актерка повеќе пати успеа да се врати во нормала, по што повторно им се враќа на лошите навики. Нејзината исхрана се состои од сончогледови семки, целер, сокови и гуми за џвакање.

Бехати Принсло - Од моделите се очекува да се слаби, но не и од ангелите на Викторијас Сикрет. Вереницата на Адам Левин е неверојатно успешна во својата работа, но делува претерано слабо. За врвен модел на Викторијас Сикрет има голем недостаток на облини и здрав изглед.

Дениз Ричардс - Во младоста важеше за една од најпосакуваните жени, но за жал, во последно време русокосата актерка е непрепознатлива. Таа тврди дека се храни здраво и вежба, но резултатите како да не се забележливи.

Анџелина Џоли - Холивудската актерка е една од најпрекрасните во светот, но веќе долги години нејзината фигура е мета на негативни коментари. Толку е ослабена што и се оцртуваат сите коски на телото, но таа сепак тврди дека не се работи за анорексија, туку за брз метаболизам.

Викторија Бекам - Викторија во младоста имаше сосема нормална фигура, но со текот на годините нејзините коски стануваа се повидливи. Некогашната спајсица тврди дека нема операции кои ја довеле до овој изглед, туку само добро организиран план на исхрана кој успеал да и ја сочува фигурата по 4-те родени деца.