Кајли Џенер (20) е бремена од раперот Тревис Скот

Детали

сабота, 23 септември 2017

Како што повеќе странски таблоиди потврдуваат, 20-годишната ријалити ѕвезда Кајли Џенер го очекува своето прво дете со раперот Тревис Скот.

„Почнаа да им кажуваат на пријателите уште пред неколку недели. Семејството знае веќе извесен период. Кајли е возбудена, исто и Тревис,“ тврдат изворите.

Инсајдери тврдат дека Џенер била загрижена дека луѓето ќе откријат дека е бремена, па по социјалните мрежи објавувала стари фотки со рамно стомаче, додека не биде подготвена да ја сподели среќата во јавност.

„Кајли е изненадена, но среќна. Сака да биде млада мајка,“ додава изворот.

Веќе е откриено и дека ќе станат родители на девојче.

Кајли и Тревис се заедно од април, а неколку недели претходно Кајли ја прекина својата долга врска со Тајга.