20-годишна студентка по медицина од Индија ја понесе титулата Мис на светот

Детали

понеделник, 20 ноември 2017

На гламурозниот избор за „Мис на светот“ кој се одржа во Кина, титулата ја понесе 20-годишната Мануши Чилар од Индија.

Таа ги освои симпатиите на жирито со својата убавина, но докажа дека вистинските убавици немаат само убаво лице, туку и умна глава, со оглед на фактот што Мануши е идна докторка.

Исто така, е и професионална танчарка чија пасија се традиционалните индиски танци, а обожава и да слика.

Следејќи ги стапките на претходните победнички од својата матична држава, Пријанка Чопра и Ашварија Раи, Индија според бројот на добиени титули на изборот се изедначи со Венецуела. Двете најтрофејни држави имаат по 6 титули на светскиот избор за убавина.

Убавицата истакна дека победата ќе ја искористи за да отвори болници во рурални области, а на Твитер се заблагодари на поддршката, посветувајќи ѝ ја круната на својата земја, Индија.

Мануши беше крунисана од страна на минатогодишната победничка на изборот, Стефани Дел Вал од Порторико, со што финишираше 67-иот избор за Мис на светот.

Што мислите за најубавата девојка на светот?

(О)Милена | Црнобело